مەشىت يمامدارى مەملەكەتتەن جالاقى الا ما

استانا. قازاقپارات - ەلىمىزدەگى مەشىتتەردى كۇتىپ ۇستاۋعا مەملەكەت تاراپىنان قاراجات بولىنبەيدى. بۇل تۋرالى اقپارات جانە قوعامدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.
None

«قازاقستان رەپۋبليكاسى كونستيتۋتسياسىنىڭ 1-بابىنىڭ 1-تارماعىنا سايكەس قازاقستان رەسپۋبليكاسى ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ورنىقتىراتىندىعى كورسەتىلگەن. سونداي-اق، قولدانىستاعى «ءدىني قىزمەت جانە ءدىني بىرلەستىكتەر تۋرالى» زاڭىنىڭ (ءارى قاراي - زاڭ) 3-بابىندا مەملەكەت ءدىن مەن ءدىني بىرلەستىكتەردەن بولىنگەن جانە ەشبىر ءدىن مەملەكەتتىك نەمەسە مىندەتتى ءدىن رەتىندە بەلگىلەنبەيدى. وسى ورايدا، ءدىني قىزمەتشىلەردىڭ جالاقىسى مەملەكەت تاراپىنان تاعايىندالمايتىندىعىن مالىمدەيمىز. بۇعان قوسا، جوعارىدا باياندالعان زاڭناما تالاپتارىنا سايكەس، ەلىمىزدەگى مەشىتتەردى كۇتىپ ۇستاۋعا مەملەكەت تاراپىنان قاراجات بولىنبەيدى»، - دەلىنگەن مينيسترلىكتىڭ اگەنتتىكتىڭ رەسمي ساۋالىنا بەرگەن جاۋابىندا.


سوڭعى جاڭالىقتار