استانادا ەكى ۇلكەن كوپقاباتتى اۆتوتۇراق سالىنۋى مۇمكىن

استانا. قازاقپارات - استانانىڭ سول جاعالاۋىندا ەكى كوپقاباتتى پاركينگ پايدا بولۋى مۇمكىن. قازىر وسى جوبالارعا ينۆەستورلاردى تارتۋ ماسەلەسى پىسىقتالىپ جاتىر، دەپ حابارلايدى قازاقپارات ءتىلشىسى.
None

سونىڭ ءبىرى - باس پروكۋراتۋرا عيماراتى مەن Jusan Bank نىسانى اراسىنداعى اۋماقتاعى كوپقاباتتى اۆتوتۇراق. سىعاناق كوشەسىنىڭ بويىندا ورنالاسقان اۋدانى 1,9376 گەكتار جەر تەلىمى جەكەمەنشىك نەگىزىندە «First Heartland Jusan Bank» ا ق-عا تيەسىلى.

«قازىرگى كەزدە اكسيونەرلىك قوعام كوپ دەڭگەيلى اۆتوتۇراق سالۋعا ينۆەستورلار تارتۋ ماسەلەسىن قاراستىرىپ جاتىر»، - دەلىنگەن استانا قالاسى كولىك جانە جول - كولىك ينفراقۇرىلىمىن دامىتۋ باسقارماسىنىڭ «قازاقپارات» ح ا ا-نىڭ رەسمي ساۋالىنا بەرگەن جاۋابىندا.

ەكىنشى كوپقاباتتى اۆتوتۇراق جوعارعى سوت عيماراتىنىڭ ارتىندا سالىنۋى مۇمكىن.

«بۇل اۋماقتا 350 كولىككە ارنالعان تەگىن اۆتوتۇراق بار. قازىر وسى ماڭدا اۆتوتۇراق سالۋ ماسەلەسى پىسىقتالىپ جاتىر»، - دەپ اتالىپ وتكەن اكىمدىك مالىمەتىندە.

ايتا كەتەيىك، بيىل قاڭتار ايىندا ەلوردانى دامىتۋ ماسەلەلەرى جونىندەگى كەڭەستە مەملەكەت باسشىسى قاسىم-جومارت توقايەۆ قالادا كوپ قاباتتى پاركينگ سالۋ ماسەلەسىن كوتەرگەن ەدى.

سوڭعى جاڭالىقتار