الماتى اكىمى ءورت كەزىندە قازا بولعان ايەلدىڭ وتباسىنا كوڭىل ايتتى

«قايرات جارمۇحامەد ۇلى مەن جۇماگۇل جۇماش قىزى، سىزدەردىڭ قايعىلارىڭىزعا ورتاقتاسىپ، كوڭىل ايتامىن. اسەلدىڭ ومىردەن مەزگىلسىز ءوتۋى سىزدەر ءۇشىن عانا ەمەس، بارلىق الماتىلىقتار ءۇشىن ورنى تولماس اۋىر قايعى. تۋعان بالاسىنان ايىرىلۋ اتا-انا ءۇشىن وتە اۋىر. ورنى تولماس اۋىر قازادا سىزدەرگە سابىر مەن توزىمدىلىك تىلەيمىن. سىزدەردىڭ قىزدارىڭىز، اسەلدىڭ اپكەسى ايجاننىڭ تەزىرەك ساۋىعىپ كەتۋىن تىلەيمىن»، - دەدى الماتى اكىمى.
ەربولات دوسايەۆ ونىڭ تولىق ساۋىعۋى ءۇشىن بارلىق قاجەتتى مەديتسينالىق كومەك كورسەتىلەتىنىن اتاپ ءوتتى.
ەسكە سالا كەتەيىك، ءبىز بۇعان دەيىن 16 قاباتتى ۇيدە ءورت تۇتانعانىن حابارلاعان ەدىك.
قىزىل جالىن ساعات 18:46 كەزىندە وقشاۋلانىپ، ءسوندىرىلدى.
31 ادام، ونىڭ ىشىندە 16 بالا اۋرۋحاناعا جەتكىزىلگەن بولاتىن.
امالى قالماعان تۇرعىندار بالالارىن تەرەزەدەن لاقتىردى.
زارداپ شەككەندەردىڭ ىشىندە 2 جۇكتى ايەل بار.
كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.
ورتتەن زارداپ شەككەن تۇرعىندار تاماق جانە جاتىن ورىنمەن قامتاماسىز ەتىلدى.