وسكەمەندە بالا كوتەرىپ قايىر تىلەپ وتىرعان ايەل جاۋاپقا تارتىلدى

وسكەمەن. قازاقپارات - وسكەمەن قالاسىندا بالا كوتەرىپ قايىر تىلەپ وتىرعان ايەل ەكى باپ بويىنشا جاۋاپقا تارتىلدى، دەپ حابارلايدى قازاقپارات ءتىلشىسى.
None

الەۋمەتتىك جەلىدە قالاداعى جاياۋ جۇرگىنشىلەرگە ارنالعان جول ءۇستى وتكەلدە قارشاداي بالامەن قايىر تىلەپ وتىرعان ايەل تۋرالى ۆيدەو تارادى.

جەلى قولدانۋشىلارىنىڭ كوبىسى بالانىڭ دەنساۋلىعىنا الاڭداپ، سول ايەلدىڭ وعان كىم بولىپ كەلەتىنىن انىقتاۋ كەرەكتىگىن جازىپ جاتتى. وسكەمەندە بالاسىمەن قايىر سۇراپ وتىراتىن ايەل جاۋاپقا تارتىلدى. تۇرعىنداردىڭ ايتۋىنشا، ونىڭ قولىنداعى ءبۇلدىرشىن ۇنەمى ۇيىقتاپ جاتادى ەكەن. بالانىڭ جاعدايىنا الاڭداعان تۇرعىندارعا ايەل قارسىلىق كورسەتكەسىن، پوليتسياعا حابارلاۋعا ءماجبۇر بولعان.

بالانىڭ جاعدايىن بىلگىسى كەلگەن تۇرعىندارعا ايەل اشۋلانىپ جاۋاپ بەرگەن. كەيىن قۇقىق قورعاۋشىلار كىشكەنتاي قىزدىڭ ونىڭ نەمەرەسى ەكەنىن انىقتاعان. ايەلگە بۇل ارەكەتى ءۇشىن ايىپپۇل سالىندى.

«وسى فاكتى بويىنشا تەكسەرۋ جۇرگىزىلىپ، تەكسەرۋ ناتيجەسى بويىنشا ايەل ق ر-نىڭ اكىمشىلىك قۇقىق بۇزۋشىلىق تۋرالى 449 جانە 492-باپتارى بويىنشا اكىمشىلىك جاۋاپكەرشىلىككە تارتىلدى. پوليتسيا دەپارتامەنتى قوعامدىق ورىنداردا قۋدالاۋ اكىمشىلىك جاۋاپكەرشىلىككە تارتىلاتىنىن، ول ايىپپۇلدان باستاپ اكىمشىلىك قاماۋعا دەيىن جازاعا اكەپ سوعاتىنىن ەسكە سالادى»، - دەدى شىعىس قازاقستان پوليتسيا دەپارتامەنتى باسپا ءسوز قىزمەتى.

قايىر سۇراعانى ءۇشىن ايەل 17 مىڭ تەڭگە ايىپپۇل تولەيتىن بولادى.

سونىمەن قاتار، ءبۇلدىرشىننىڭ دەنساۋلىعىنا تەكسەرىس جۇرگىزىلمەك. پوليتسەيلەر قىزعا ۇيىقتاتاتىن قاندايدا ءبىر دارىلىك پرەپارات بەرىلۋىن انىقتاماق. بۇل وتباسىنىڭ سولتۇستىك قازاقستاندا تۇراتىنى دا بەلگىلى بولدى. ولار ءارتۇرلى قالادا وسىلاي قايىر سۇراۋمەن اينالىسادى ەكەن.

قوعام بەلسەندىلەرى مۇنداي بيزنەستى ايىپپۇلمەن جويۋ مۇمكىن ەمەس ەكەنىن ايتۋدا. ال قايىرشىلاردىڭ بوتەننىڭ بالالارىن «جۇمىسقا» الىپ كەتكەن دە جاعدايلارى بولعان.

Посмотреть эту публикацию в Instagram

Публикация от Мамочки Усть-Каменногорск (@ust.kamennogorsk_mamochki)

«ولاردى اياپ، كەشىرىم بەرۋدىڭ ورنىنا قوعام ءبىرىنشى بولىپ قادام جاساۋى كەرەك. ءبىز ولاردى بالالاردى پايدالانۋ مۇمكىندىگىنەن ايىرۋىمىز كەرەك. بالاسى بار ايەل كوشەدە جۇرگەن جاعدايدى كورسەك، ەڭ الدىمەن بالانى قورعاۋ ءۇشىن شۇعىل شارالار قولدانۋىمىز قاجەت»، - دەپ ءتۇسىندىردى شىعىس قازاقستان وبلىستىق «ەكوكونسەنت» قوعامدىق دەنساۋلىقتى جانە قورشاعان ورتانى قورعاۋعا جاردەمدەسۋ قاۋىمداستىعىنىڭ پرەزيدەنتى تاتيانا چەرنىشوۆا.

اۆتور:

تالعاتجان مۇحامەتبەك ۇلى

سوڭعى جاڭالىقتار