قىتايدا سۋ تاسقىنىنا بايلانىستى ءىس-شارالارعا قوماقتى قارجى ءبولىندى

بەيجىڭ. قازاقپارات – ق ح ر قارجى جانە توتەنشە جاعدايلاردى باسقارۋ مينيسترلىكتەرى بىرلەسىپ، بەيجىڭ- تيانجين- حىبي ايماعىنداعى سۋ تاسقىنىنا قارسى ءىس-شارالارعا جانە تابيعي اپات سالدارىن جويۋعا 110 ميلليون يۋان (شامامەن 15,43 ميلليون ا ق ش دوللارى) ءبولدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.
None
Фото: Синьхуа

قاراجات ىزدەۋ-قۇتقارۋ جۇمىستارىن جۇرگىزۋگە جانە سۋ تاسقىنىنان زارداپ شەككەن ادامدارعا كومەك كورسەتۋگە باعىتتالادى.

قىتايدىڭ سولتۇستىگىندەگى حىبيدى قوسا العاندا 12 اكىمشىلىك ايماقتا اۋىل جانە سۋ شارۋاشىلىعىنا كەلگەن زالالعا بايلانىستى 842 ميلليون يۋان بولىنگەن.

بەيجىڭدە 11 ادامنىڭ ءومىرىن قيعان تايفۋننان تۋىنداعان نوسەر جاڭبىردان كەيىن اۋقىمدى ىزدەۋ- قۇتقارۋ جانە زارداپ شەككەندەرگە كومەك كورسەتۋ جۇمىستارى باستالدى.

جەرگىلىكتى بيلىكتىڭ اقپاراتىنا سايكەس، 1-تامىزداعى جاعداي بويىنشا حىبي پروۆينسياسىندا ۇزاققا سوزىلعان نوسەردەن 9 ادام قازا تاپتى، تاعى 6 ادام حابارسىز جوعالىپ كەتتى. جالپى العاندا 540703 ادام زارداپ شەكتى، 847400 ادام ەۆاكۋاتسيالاندى.

سولتۇستىكتەگى تيانجين قالاسىندا يۋندينحى وزەنىنىڭ سۋى ارناۋىنان شىعىپ، تاسقىنعا ۇشىراعان اۋدانداردان 35 مىڭنان استام ادام ەۆاكۋاتسيالاندى.

اۆتور:

اقبوپە ءابدراسۋل

سوڭعى جاڭالىقتار