قىتايدا زووپارك ايۋلاردىڭ كيىنىپ العان ادام ەمەس، ءتىرى ايۋ ەكەنىن دالەلدەۋگە ءماجبۇر بولدى
قىتايدىڭ حاڭجوۋ قالاسىنداعى زووباعى جۇرتقا مالاي ايۋلارىنىڭ كوستيۋم كيىپ العان ادامدار ەمەس، ءتىرى ايۋ ەكەنىن تۇسىندىرۋگە ءماجبۇر بولدى.
وعان ينتەرنەتتە جاريالاعان ۆيدەو سەبەپ بولعان. وندا ايۋلاردىڭ ءبىرى تۇرىپ تۇرعان ادامعا ۇقسايدى.
الەۋمەتتىك جەلى قولدانۋشىلارىنىڭ كوبى ونى ادام دەپ ويلاعان. وعان جاۋاپ رەتىندە حاڭجوۋ زووباعى وكىلدەرى ادامدار ايۋدىڭ بۇل ءتۇرىن كوپ بىلە بەرمەيتىنىن مالىمدەدى.
ۆيدەودا ۆولەردىڭ شەتىندە تۇرىپ، ادامداردى باقىلاپ تۇر.
الەۋمەتتىك جەلى قولدانۋشىلارى ايۋ تابانىنىڭ ۇشىمەن ءتىپ-تىكە تۇرعانىنا تاڭعالىستى. سونداي-اق، ونىڭ ءجۇنى دە ايۋ كوستيۋمىنە ۇقساعانداي كورىنگەن.
زووباق قىزمەتكەرلەرى ايۋدىڭ اتىنان مىناداي مالىمدەمە جاريالادى: «كەيبىر ادامدار مەنى ادام سياقتى دەپ ويلايدى... ءبىراق، سىزدەر مەنى جاقسى بىلمەيتىن سەكىلدىسىزدەر».
«ايۋلار تۋرالى ءسوز قوزعالسا، ۇلكەن ءارى مىقتى فيگۋرا ەلەستەيدى... ءبىراق، بارلىق ايۋ ونداي الىپ، قاۋىپتى ەمەس»، - دەلىنگەن مالىمدەمەدە.
حايۋاناتتار باعىنىڭ وكىلدەرى مالاي ايۋلارى، ولاردى «كۇن ايۋلارى» دەپ تە اتايدى نەمەسە بيرۋانگتار - ايۋلاردىڭ ەڭ كىشكەنتاي ءتۇرى ەكەنىن ەسكە سالدى: ولار ادەتتە ۇلكەن يتپەن شامالاس، دەنەسىنىڭ ۇزىندىعى ءبىر جارىم مەترگە دەيىن جەتەدى.
بۇل وڭتۇستىك- شىعىس ازيانىڭ تروپيكالىق ورماندارىندا كەزدەسەتىن جويىلىپ بارا جاتقان ءتۇرى.
اۆتور:
اقبوپە ءابدراسۋل
