الماتىدا ورتتەن زارداپ شەككەندەر تاماق جانە جاتىن ورىنمەن قامتاماسىز ەتىلدى

الماتى. قازاقپارات - الماتىدا «اقكەنت» شاعىناۋدانىنداعى 16 قاباتتى تۇرعىن ۇيدە ورىن العان ورتكە بايلانىستى الاتاۋ اۋدانىنىڭ اكىمى ازامات قالدىبەكوۆتىڭ توراعالىعىمەن ءۇي الدىندا جەدەل شتاب قۇرىلدى.
None

ونىڭ قۇرامىنا توتەنشە جاعدايلار دەپارتامەنتى، پوليتسيا، پروكۋراتۋرا، ۇلتتىق قاۋىپسىزدىك كوميتەتى ەندى، دەپ حابارلايدى قازاقپارات ءتىلشىسى.

الماتى اكىمدىگىنىڭ مالىمەتىنشە، جەدەل شتاب تاۋلىك بويى جۇمىس ىستەيدى:

- پوليتسيا باسقارماسى زارداپ شەككەن ازاماتتار مۇلكىنىڭ قاۋىپسىزدىگى مەن ساقتالۋىن قامتاماسىز ەتۋ ماقساتىندا جەرگىلىكتى جەردە پوليتسيا قىزمەتكەرلەرىنىڭ كەزەكشىلىگىن ۇيىمداستىردى؛

- زارداپ شەككەن تۇرعىندار ءۇشىن تاماقتانۋ جانە تۇنەپ شىعۋ ورىندارى ۇيىمداستىرىلدى (178-ليتسەيدىڭ سپورت زالى مەن قوناق ءۇي)؛

- الماتى قالاسىنىڭ قۇتقارۋ قىزمەتى ارقىلى 250 ورىنعا جينالمالى توسەكتەر مەن ماتراتستار ۇيىمداستىرىلدى؛

- اۋماقتى سانيتارلىق تازارتۋ بويىنشا اۋدان قىزمەتىنىڭ جۇمىسى ۇيىمداستىرىلدى؛

- اۋدان اكىمدىگى پاتەردىڭ بۇلىنگەن ماتەريالدارىن (تەرەزەلەر، ەسىكتەر جانە باسقالار) قالپىنا كەلتىرۋ ماسەلەسى بويىنشا قۇرىلىس سالۋشىمەن كەلىسسوزدەر جۇرگىزدى. ونىڭ ناتيجەلەرى بويىنشا قۇرىلىس سالۋشى پاتەرلەردى قالپىنا كەلتىرۋگە مىندەتتەندى؛

- تۇرعىندار اراسىندا قاجەتتى ءتۇسىندىرۋ جۇمىستارى جۇرگىزىلۋدە؛

- زارداپ شەككەندەر ءۇشىن جەدەل جەلى ۇيىمداستىرىلدى: 87071872507؛ 3989820

- زارداپ شەككەندەرگە ۋاقىتشا تۇراتىن ورىن ۇسىنۋ ءۇشىن جاقىن ماڭداعى قوناقۇيلەرمەن كەلىسسوزدەر جۇرگىزىلدى؛

«قازىرگى ۋاقىتتا بارلىق قىزمەتتەر شتاتتىق رەجيمدە جۇمىس ىستەپ جاتىر. اۋدان اكىمى ا. قالدىبەكوۆ پەن بارلىق مۇددەلى قالالىق جانە اۋداندىق قىزمەتتەر وقيعا ورنىندا ءجۇر. قازىرگى كەزدە جاعداي تۇراقتى»، - دەپ اتاپ ءوتتى قالا اكىمدىگىنەن.

ەسكە سالا كەتەيىك، 1-تامىز كۇنى الماتىدا 16 قاباتتى ءۇي ورتەندى. امالى قالماعان تۇرعىندار بالالارىن تەرەزەدەن لاقتىردى.

قىزىل جالىن ساعات 18:46 كەزىندە ءسوندىرىلدى.

العاشىندا 31 ادام، ونىڭ ىشىندە 16 بالا اۋرۋحاناعا جەتكىزىلگەنى حابارلانعان بولاتىن.

زارداپ شەككەندەردىڭ اراسىندا 2 جۇكتى ايەل بار.

كەيىنگى مالىمەت بويىنشا، وقيعا سالدارىنان 1 ادام مەرت بولىپ، 43 ى زارداپ شەكتى. ونىڭ ىشىندە 4 بالا رەانيماتسيا بولىمىندە جاتىر.

سوڭعى جاڭالىقتار