20:10, 01 - تامىز 2023 | GMT +5
الماتىداعى ءورت: امالى قالماعان تۇرعىندار بالالاردى تەرەزەدەن لاقتىردى
الماتى. قازاقپارات - الماتىداعى «اقكەنت» تۇرعىن ءۇي كەشەنىندەگى ءورت تۋرالى ۆيدەولار الەۋمەتتىك جەلىدە تاراپ جاتىر.

بەينەجازبادان تۇرعىنداردىڭ بالالاردى تەرەزەدەن توسەنىشكە لاقتىرىپ جاتقانىن كورۋگە بولادى، دەپ حابارلايدى قازاقپارات ءتىلشىسى.
ءورت شارپىعان اۋماق ناقتىلانۋ ۇستىندە. جوعارى قاباتتارداعى ادامداردى ەۆاكۋاتسيالاۋ جانە قۇتقارۋ جۇمىستارى جۇرگىزىلىپ جاتىر.
ت ج د كۇشىمەن باسپالداق ارقىلى 250-300 ادام ەۆاكۋاتسيالاندى، ءۇش تىك ساتى مەن ءۇش اۆتومات ساتى ارقىلى 40 ادام قۇتقارىلدى.
ءورت ساعات 18:46 دا وقشاۋلانىپ، كوپ ۇزاماي تولىعىمەن ءسوندىرىلدى.
وقيعا ورنىندا قالالىق ت ج د كۇشتەرى مەن قۇرالدارى ساپىنان 50 ادام جانە 14 تەحنيكا جۇمىس ىستەدى، ونىڭ ىشىندە 3 اۆتوساتى بار.
ەسكە سالا كەتەيىك، ءبىز بۇعان دەيىن 16 قاباتتى ۇيدە ءورت تۇتانعانىن حابارلاعان ەدىك.
قىزىل جالىن ساعات 18:46 كەزىندە وقشاۋلانىپ، ءسوندىرىلدى. 31 ادام، ونىڭ ىشىندە 16 بالا اۋرۋحاناعا جەتكىزىلدى.