20:00, 01 - تامىز 2023 | GMT +5
الماتىدا كوپقاباتتى ءۇيدىڭ ليفت شاحتاسىنان شىققان ءورت ءسوندىرىلدى
الماتى. قازاقپارات - الماتىدا كوپقاباتتى ۇيدەگى ءورت ءسوندىرىلدى، دەپ حابارلايدى قازاقپارات.

توتەنشە جاعدايلار مينيسترلىگىنىڭ باسپا ءسوز قىزمەتىنەن حابارلاعانداي، قىزىل جالىن ساعات 18:46 كەزىندە وقشاۋلانىپ، سوڭىرا سوندىرىلگەن.
ءۇيدىڭ 1- جانە 16- قاباتىندا ەلەكتر كابەلدەرى جانعان.
ەسكە سالا كەتەيىك، ءبىز بۇعان دەيىن 16 قاباتتى ۇيدە ءورت تۇتانعانىن حابارلاعان ەدىك.
بۇگىن ساعات 17:10 دا ت ج د كۇش-قۇرالدارى الاتاۋ اۋدانى «اقكەنت» ىقشاماۋدانىندا ورنالاسقان 54-ۇيگە شۇعىل اتتانعان.
«ءورت سوندىرۋشىلەر وقيعا ورنىنا 6 مينۋتتا جەتتى. ولار 16 قاباتتى تۇرعىن ءۇيدىڭ 5-قاباتىنداعى پاتەر اشىق جالىنمەن جانىپ جاتقانىن انىقتادى. ءقازىر ادامدار ەۆاكۋاتسيالانىپ جاتىر»، - دەپ حابارلادى ۆەدومستۆودان.
ت ج م كوپقاباتتى ۇيدەگى ءتىلسىز جاۋمەن كۇرەسكە جۇمىلدىرىلعان ءورت سوندىرۋشىلەردىڭ سۋرەتىن جاريالادى.