بۇگىننەن باستاپ استانا حالىقارالىق اۋەجايىنىڭ كولىك تۇراعىندا باعا قىمباتتادى

وسىعان دەيىن حابارلاعانىمىزداي، 1-تامىزدان باستاپ اۋەجايدىڭ كولىك تۇراعىندا جاڭا تاريف قولدانىسقا ەندى.
بۇگىننەن باستاپ P1, P2, P3-ايماعىنداعى اۆتوتۇراق باعاسى 100 تەڭگەدەن 200 تەڭگەگە كوتەرىلدى.
ال P4, P5, P6-ايماعىنداعى كولىك تۇراعىنىڭ باعاسى ساعاتىنا 50 تەڭگەدەن 100 تەڭگەگە وزگەردى.
جولاۋشىلارعا ىڭعايلى بولۋ ءۇشىن جاسالعان وتىرعىزۋ- ءتۇسىرۋ ەكسپرەسس جولاعىن تەرىس پايدالانۋ فاكتىلەرىنىڭ كوبەيۋىنە جانە جولاۋشىلاردان كەلگەن شاعىمنىڭ ارتۋىنا بايلانىستى 15 مينۋتتىق تەگىن وتىرعىزۋ- ءتۇسىرۋ جولاعىنا تاۋلىك ىشىندە ءۇشىنشى رەت نەمەسە ودان دا كوپ كىرگەن جاعدايدا جاڭا تاريف بويىنشا 300 تەڭگە تولەيسىز.
الايدا اۋەجايداعى جابىق تۇراقتىڭ قۇنى ەش وزگەرىسسىز قالادى. جابىق تۇراق ىشكى رەيستەر ورىندالاتىن T2 تەرمينالىنىڭ وڭ جاعىندا ورنالاسقان.
274 ورىنعا شاقتالعان جابىق تۇراقتىڭ قۇنى - 12 ساعاتقا 1400 تەڭگە. تاۋلىگىنە 1800 تەڭگە.
12-24 ساعات ارالىعىندا 2000 تەڭگە.