داريعا پرەزيدەنت بولۋعا دايىندالدى: ۇ ق ك ەكس-باسشىسى قۇپيا اڭگىمەلەردىڭ سىرىن اشتى

استانا. قازاقپارات - گەنەرال-لەيتەنانت، چەكيست امانگەلدى شابداربايەۆ قاڭتار وقيعاسىنىڭ الدىندا بولعان جاعداي تۋرالى ايتىپ، قۇپيا اڭگىمەلەردىڭ سىرىن اشتى، - دەپ حابارلايدى Massaget.kz ءتىلشىسى.
None

بۇل تۋرالى ول Abay Live YouTube ارناسىنا بەرگەن سۇحباتىندا ءبولىستى.

«كارىم ماسىموۆپەن قاڭتار وقيعاسىنا دەيىن كەزدەسكەم. ەكەۋمىز اڭگىمەلەسكەنبىز. ماعان كوپ نارسە ايتىپ بەردى. ءبىر اڭگىمەسىندە قاڭتارعا دەيىن ءبىر جىل بۇرىن نازاربايەۆ داريعاعا «سەن بولاسىڭ» (پرەزيدەنت – ە س ك.) دەدى. داريعا كەلىستى، ءماسىموۆ كۋامىن دەدى. داريعا دوسىنىڭ ءبارىن شاقىرىپ العان. نازاربايەۆ «مىنالاردىڭ نە ىستەيتىنىن جازىپ ال» دەپ ماسىموۆكە تاپسىرما بەردى. داريعا سول كەزدە «ەرتەڭ پرەزيدەنت بولامىن عوي» دەپ كىمنىڭ باسىن جۇلىپ الاتىنىن، كىمگە نە ىستەيتىنىن ايتقان. ەرتەسىنە جازبانى كورگەن نازاربايەۆ قىزىنا «مىنا تۇرىڭمەن قالاي پرەزيدەنت بولاسىڭ؟» دەپ، ونى سەناتتان دا الىپ تاستادى. قالاي ول پرەزيدەنت بولادى؟ ەرتەڭ پۋتين كەلەدى دەيىك، داريعا پرەزيدەنت بولسا، ەرتەڭ قالاي كەزدەسەدى؟ نازاربايەۆ سياقتى بىرگە مونشاعا بارا ما؟» - دەدى ول.

امانگەلدى شابداربايەۆ كارىم ءماسىموۆتىڭ جەكە ماقساتتارىن ايتتى.

«ول ماعان دا، باسقالارىنا پرەزيدەنت بولاتىنىن ايتتى. ول ادەيى ايتاتىن، نايمان بولدى، قازاقشا سويلەمەك بولدى. ءماسىموۆ - وتە ساق ادام، ءبىراق قورقاق. ول اشىق ايتپايدى، ءبىراق اراعا ادام سالىپ قويادى. ول قۋ، نازاربايەۆ وعان سەنىپ كەتتى. ول ماعان جاڭا جىل باستالعاندا ءبارى وزگەرەتىنىن ايتتى. «نازاربايەۆ كەتەدى» دەدى. قاڭتار باستالعاندا ءماسىموۆتىڭ ءسوزى ەسىمە ءتۇسىپ تاڭعالدىم»، - دەدى ول.

سوڭعى جاڭالىقتار