17:56, 01 - تامىز 2023 | GMT +5
قازاقستاندىق جاس ءوسپىرىم تەننيسشىلەر گەرمانياداعى جارىستا ۇزدىك شىقتى
استانا. قازاقپارات - قازاقستاندىق جاس ءوسپىرىم تەننيسشىلەر گەرمانيانىڭ ۋلم قالاسىندا 14 جانە 16 جاسقا دەيىنگىلەر اراسىندا ەكىنشى ساناتتاعى Tennis Europe سەرياسى بويىنشا وتكەن Müller Junior Cup Ulm تۋرنيرىندە جەڭىمپاز اتاندى.

14 جاسقا دەيىنگىلەر اراسىندا ەركەجان جاڭاتايەۆا جەكەلەي سىندا ۇزدىك شىقتى. ول فينالدا گەرمانيالىق فرانچەسكا پارتسەلليدى تىزە بۇكتىردى - 4:6، 6:4، 6:2.
جۇپتىق سىندا ياروسلاۆ پشەنيچنىي مەن مانسۇر سايىنوۆ قارسىلاس شاق كەلتىرمەدى. ال ءاديا وماربەك گەرمانيالىق گۋديت پلامەن بىرگە فيناليست اتاندى.
ءساتيما تورەگەن 16 جاسقا دەيىنگىلەر اراسىندا جەڭىس تۇعىرىنا كوتەرىلدى. ول سوڭعى باسەكەدە نەمىس قىزى يدا ۆوبكەردى قاپى قالدىردى - 6:3، 6:7 (4:7)، 6:4.
ۇلدار اراسىندا روديون لۋكاشوۆ - ولجاس ەسەنالى فينالعا دەيىن جەتتى.