قونايەۆ قالاسىنىڭ باس جوسپارى قابىلداندى

استانا. قازاقپارات - الماتى وبلىسىنىڭ ورتالىعى رەتىندە جاڭا اكىمشىلىك ستاتۋسقا يە بولعاننان كەيىن، قونايەۆ قالاسىن دامىتۋدىڭ جاڭا ستراتەگياسى ايقىندالدى.
None

ونىڭ نەگىزگى باعىتتارى ۇكىمەتتىڭ ءتيىستى قاۋلىسىمەن بەكىتىلگەن قونايەۆ قالاسىنىڭ باس جوسپارىندا كورسەتىلگەن، دەپ حابارلايدى قازاقپارات primeminister.kz سايتىنا سىلتەمە جاساپ.

باس جوسپاردىڭ نەگىزگى ماقساتى - ونىڭ بارلىق ەلەمەنتىن ءوزارا بايلانىستىرا وتىرىپ، ونەركاسىپتىك- كوممۋنالدىق جانە رەكرەاتسيالىق ايماقتاردى ۇتىمدى ءبولىپ، جايلى جانە قاۋىپسىز تىرشىلىك ورتاسىن قۇرۋ. وندا قالانىڭ پەرسپەكتيۆالىق شەكاراسىنا قوسىلاتىن ەلدى مەكەندەر مەن تۇرعىن ءۇي كەشەندەرى دە ەسكەرىلەدى.

جوسپاردى ىسكە اسىرۋدىڭ ەسەپتىك كەزەڭى 2050 -جىلعا دەيىن جالعاسادى. وسى كەزەڭدە قالا ءوڭىردىڭ زاماناۋي كوپ فۋنكتسيونالدى اكىمشىلىك، قارجى جانە مادەني، ونەركاسىپ- يننوۆاتسيالىق، كولىك- لوگيستيكالىق، عىلىمي- ءبىلىم بەرۋ ورتالىعىنا، سونداي- اق الماتى اگلومەراتسياسىنىڭ يننوۆاتسيالىق- يندۋستريالىق، ازىق- تۇلىك بەلدەۋى، مۇناي وڭدەۋ، گاز وڭدەۋ جانە مۇناي حيمياسى ورتالىعىنا اينالۋعا ءتيىس. قالانىڭ الماتى وبلىسىنىڭ باستى تۋريستىك باعىتتارىنىڭ ءبىرى، سۋداعى دەمالىس ورنى جانە سۋ سپورتى، تۋريزم، اڭ اۋلاۋ جانە بالىق اۋلاۋ ورتالىعى رەتىندە الەۋەتى دە زور.

العا قويىلعان مىندەتتەردى ىسكە اسىرۋ ءۇشىن جوسپاردا ەكونوميكالىق قىزمەت، تۇرعىن ءۇي قۇرىلىسى، ونەركاسىپتى دامىتۋ، قورشاعان ورتانى قورعاۋ، ءبىلىم بەرۋ، دەنساۋلىق ساقتاۋ جۇيەلەرى، ينجەنەرلىك، كولىك ينفراقۇرىلىمى جانە كوشە- جول جەلىسى، كوگالداندىرۋ، جىلۋ، ەلەكتر، گاز، سۋمەن جابدىقتاۋ، سۋ تارتۋ جانە ت. ب. جونىندەگى ءىس- شارالار كورسەتىلگەن.

ءوڭىردىڭ كولىك- لوگيستيكالىق جۇيەسىن جاڭعىرتۋعا جانە ودان ءارى دامىتۋعا جاقسى سەرپىن بەرىلەدى. قونايەۆ قالاسىنىڭ اۆياتسيا، تەمىرجول، جول جانە سۋ كولىگىن قولدانۋداعى كولىك- لوگيستيكالىق جۇيەسىنىڭ مۋلتيمودالدىعى ونى الماتى وبلىسىنداعى ورتالىق كولىك- لوگيستيكالىق حابقا اينالدىرماق.

جاسىل ەلەكتر ەنەرگياسىن ءوندىرۋ كوزدەرى - قونايەۆ قالاسىنىڭ يندۋستريالىق- يننوۆاتسيالىق دامۋىنىڭ ماڭىزدى اسپەكتىسى.

قالانىڭ الەۋمەتتىك سالاسىن دامىتۋداعى باسىمدىق - ونى الماتى وبلىسىنىڭ جانە ءوڭىردىڭ تۋريزم، دەمالىس، سپورتتىق دەمالىس ورتالىعى ستاتۋسىنا سايكەس كەلەتىندەي ەتىپ دامىتۋ.

جوسپاردى ىسكە اسىرۋ كەزىندە جالپى اۋدانى 2538,2 مىڭ شارشى مەتر جاڭا تۇرعىن ءۇي سالىنباق.

ءوزىن- ءوزى جۇمىسپەن قامتىعاندار دەڭگەيىن %18 عا، جالپى جۇمىسسىزدىق دەڭگەيىن %4,2 عا، جاستار اراسىنداعى جۇمىسسىزدىقتى %3,8 عا دەيىن تومەندەتۋ جوسپارلانىپ وتىر.

جوسپار اياسىندا مەكتەپكە دەيىنگى جانە جالپى ءبىلىم بەرەتىن مەكەمەلەر سانىن ەكى ەسە كوبەيتۋ كوزدەلەدى.

دەنساۋلىق ساقتاۋ جۇيەسىندە تاۋلىك بويى جۇمىس ىستەيتىن ستاتسيونارلارداعى توسەك- ورىن سانى، امبۋلاتوريالىق- ەمحانالىق كومەك كورسەتەتىن نىساندار، سونداي- اق جەدەل جاردەم ستانتسيالارى مەن كولىكتەر سانى ەكى ەسە ارتادى.

ەسكە سالا كەتەيىك، قونايەۆ قالاسى - 1970 -جىلى قاپشاعاي سەس قۇرىلىسى كەزىندە قالىپتاسقان الماتى وبلىسىنىڭ اكىمشىلىك ورتالىعى، الماتى وبلىسىنىڭ وڭتۇستىك- شىعىس بولىگىندە ورنالاسقان. قالادا 54907 ادام تۇرادى. اۋدانى — 56,03 شارشى ك م.

2022 -جىلعى مامىرعا دەيىن قالا ۇكىمەتتىڭ 2010 -جىلعى 26-اقپانداعى قاۋلىسىمەن بەكىتىلگەن قاپشاعاي قالاسىنىڭ باس جوسپارىنا سايكەس دامىدى. 2022 -جىلعى 3-مامىردا قالا اتاۋى قونايەۆ بولىپ وزگەرتىلدى.

2022 -جىلعى 8- ماۋسىمنان باستاپ الماتى وبلىسىنىڭ جاڭا شەكاراسى بەلگىلەنگەننەن كەيىن قالا اكىمشىلىك ورتالىققا اينالدى.


سوڭعى جاڭالىقتار