ەلىمىزدە جاڭا يپوتەكالىق باعدارلاما ازىرلەنە مە

استانا. قازاقپارات - بيۋدجەت ارقىلى قازاقستان حالقىنىڭ ءبارىن يپوتەكالىق نەسيەمەن قامتۋ مۇمكىن ەمەس. بۇل تۋرالى قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.
None

بۇگىن ۇكىمەت وتىرىسىنان كەيىن ب ا ق وكىلدەرى مينيستردەن ەلىمىزدە جاڭا يپوتەكالىق مەملەكەتتىك باعدارلامانىڭ ازىرلەنۋ مۇمكىندىگىنە قاتىستى ساۋال قويعان ەدى.

«ءبىز وتباسى بانكىنىڭ جارعىلىق كاپيتالىن تولىقتىرۋ ءۇشىن ميللياردتاعان قارجى بولەمىز. سونىمەن قاتار جەرگىلىكتى اتقارۋشى ورگاندار ارقىلى جالعا بەرىلەتىن باسپاناعا دا اقشا ءبولىپ كەلەمىز. تەك وتباسى بانكى ارقىلى عانا وتە كوپ، ونداعان ءونىم بار، قاراپ كورىڭىزدەر. بيۋدجەت ارقىلى بۇكىل قازاقستاندى يپوتەكالىق نەسيەمەن قامتي المايمىز»، - دەپ جاۋاپ بەردى ەرۇلان جاماۋبايەۆ.

ايتا كەتەيىك، يپوتەكا نارىعىندا وتباسى بانكى كوش باستاپ تۇر. وتكەن جىلدىڭ قورىتىندىسى بويىنشا ول قازاقستاندىق يپوتەكانىڭ جالپى ۇلەسىنىڭ %67 ىن بەرگەن. بۇل رەتتە بانك NPL- ءدىڭ ەڭ تومەنگى دەڭگەيىن (90 كۇننەن ارتىق مەرزىمى وتكەن قارىزدار) ساقتاپ قالدى، قازىر ول - %0,08، ال بانكتەر اراسىنداعى بۇل كورسەتكىشتىڭ ورتاشا دەڭگەيى %3,68 عا تەڭ.


سوڭعى جاڭالىقتار