شياندا الماتىعا دەيىنگى حالىقارالىق دوستىق ۆەلوشەرۋى باستالدى

ق ح ر اۋماعىنداعى ەجەلگى جىبەك جولى ارقىلى وتەتىن شەرۋگە قىتايدان 30 ۆەلوشاباندوز قاتىسۋدا. قازاقستان اۋماعىنا وتكەندە ولارعا قازاقستاندىق سپورتشىلار دا قوسىلادى، دەپ حابارلايدى قازاقپارات.
اكسيا ۇيىمداستىرۋشىلارى مەن ۆەلوسيپەدشىلەر شيان قالاسىنداعى «جىبەك جولىنىڭ باستاۋى» دەپ اتالاتىن تاريحي جەردە وتكەن ۆەلوشەرۋدىڭ سالتاناتتى اشىلۋ راسىمىنە جينالدى.
«جاڭا جىبەك جولى» قوعامدىق قورىنىڭ باسشىسى حۋسەين داۋروۆ قۇتتىقتاۋ سوزىندە «شيان- الماتى» ۆەلوشەرۋى قازاقستان مەن قىتاي حالىقتارى اراسىنداعى دوستىقتى نىعايتۋعا جانە ەكى ەل اراسىنداعى ديپلوماتيالىق قارىم-قاتىناستىڭ قۇرىلعانىنا 30 جىل تولۋىنا وراي ۇيىمداستىرىلعانىن ايتتى.
«شيان-الماتى» دوستىق ۆەلوشەرۋىنە قاتىسۋشىلار 4 مىڭ شاقىرىم قاشىقتىقتى ءجۇرىپ وتەدى. قىتاي اۋماعىندا بۇل باعىت شانشي (شيان، سانيان، باوتسزي)، گانسۋ (لانجوۋ، دۋنحۋان) جانە شىڭجاڭ (حامي، تۋرفان، ءۇرىمجى، قورعاس) پروۆينتسيالارى ارقىلى وتەدى.
قازاقستان اۋماعىندا ۆەلوشەرۋگە قازاقستاندىق سپورتشىلار قوسىلىپ، قاتىسۋشىلار 2023-جىلدىڭ 7- قىركۇيەگىندە حالىقارالىق كوپكۇندىك ۆەلوتۋردى الماتىدا اياقتايدى.