ەڭ ۇزاق ءومىر سۇرگەن ادامدار كىمدەر؟

استانا. قازاقپارات - ادامزات ءارقاشان ۇزاق ءومىر سۇرۋگە مۇمكىندىك بەرەتىن قۇپيالاردى ىزدەۋگە ۇمتىلۋمەن كەلەدى.
None

ۇزاق ءومىر ءسۇرۋ - گەن، ءومىر سالتى جانە قورشاعان ورتا سياقتى كوپتەگەن فاكتورعا بايلانىستى كۇردەلى پروتسەسس. بۇگىندە مەديتسينانىڭ قارقىندى دامۋىنىڭ ارقاسىندا ءومىر ءسۇرۋ كورسەتكىشى دە ارتىپ كەلەدى.

سارا دە-رەمەر نوسس

(1880 -جىل، 24-قىركۇيەك - 1999 -جىل، 30-جەلتوقسان)

119 جىل 97 كۇن ءومىر سۇرگەن سارا - امەريكا قۇراما شتاتتارىنىڭ ەڭ ۇزاق ءومىر سۇرگەن تۇرعىنى. ول ءومىر سۇرگەن جىلدارى ا ق ش-تا 21 پرەزيدەنت اۋىسىپ ۇلگەرگەن.

سونىمەن قاتار ول الەم تاريحىنداعى ەڭ ۇزاق ءومىر سۇرگەن ادامدار تىزىمىندە 3-ورىندى يەمدەنگەن. سارا قايتىس بولعان كەزدە ول تاريحتاعى ەكىنشى ەڭ قارت ادام بولعان ەدى، ءبىراق 2022 -جىلدىڭ 10-ساۋىرىندە جاپوندىق كانە تاناكا جاسى بويىنشا ونىڭ رەكوردىنان اسىپ ءتۇستى.

كانە تاناكا

(1903 -جىلدىڭ 2-قاڭتارى - 2022 -جىلدىڭ 19-ءساۋىرى)

گەرونتولوگيا زەرتتەۋ توبى (GRG) جانە گيننەستىڭ دۇنيەجۇزىلىك كىتابى راستاعان جاپوندىق سۋپەر ۇزاق ءومىر سۇرگەن ادام. ول سونىمەن قاتار جاپونيا تاريحىنداعى ەڭ قارت جانە الەمدەگى ەكىنشى قارت ادام (جاننا كالماننان كەيىن) سانالادى. قايتىس بولعان كەزدەگى جاسى 119 جاس 107 كۇن بولدى، بۇل 43572 كۇنگە تەڭ.

تاناكانىڭ ءوزى ۇزاق ءومىر ءسۇرۋىنىڭ سىرى - وتباسى، ءۇمىت، دۇرىس ۇيقى جانە ديەتادا دەپ ساناعان.

جاننا لۋيزا كالمان

(1875 -جىلدىڭ 21-اقپانى - 1997 ج. 4-تامىز)

تۋعان جانە قايتىس بولعان كۇندەرى قۇجاتپەن راستالعان. فرانسيالىق جاننا كالمان - قايتىس بولعان كەزدەگى جاسى 120 جاستان اسقان جالعىز ادام.

110 جاسىندا قارتتار ۇيىنە كوشىپ، 122 جىل 164 كۇن ءومىر ءسۇرىپ، قايتىس بولدى. ونىڭ ءومىر سالتى، گەنەتيكاسى جانە باسقا دا مەديتسينالىق سيپاتتامالارى كوپتەگەن مامانداردىڭ زەرتتەۋ نىسانىنا اينالدى.

ءبىر قىزىعى، ەڭ كوپ ءومىر سۇرگەندەردىڭ توپ-20 تىزىمىندە ەرلەر جوق. ماسەلەن، جەر بەتىندە ەڭ ۇزاق ءومىر سۇرگەن ەر ادام رەتىندە تىركەلگەن، جاسى قۇجاتتارمەن دالەلدەنگەن دزيروەمون كيمۋرا 116 جىل، 54 كۇن ءومىر سۇرگەن.

ارينە، جوعارىدا اتالعان جانداردىڭ ءبارى - ءومىر سۇرگەن جاسى رەسمي دالەلدەنگەندەر. ال قۇجات بويىنشا ساي كەلمەسە دە، بۇل تىزىمدەگىلەردەن الدەقايدا ۇزاق ءومىر سۇرگەن ادامدار جايلى دا دەرەكتەر از ەمەس.

bugin.kz


سوڭعى جاڭالىقتار