تامىزدان باستاپ قازاقستاندىقتاردىڭ ومىرىندە قانداي وزگەرىس بولادى؟

قانشا كۇن دەمالامىز؟
بيىل كونستيتۋتسيا كۇنى سارسەنبىگە سايكەس كەلەدى. سوعان بايلانىستى قازاقستاندىقتار 30-تامىزدا ءبىر كۇن عانا دەمالادى.
سونداي- اق اپتاسىنا بەس كۇن جۇمىس ىستەيتىندەر: 5، 6، 12، 13، 19، 20، 26 جانە 27-تامىزدا دەمالادى. بارلىعى - 8 كۇن.
اپتاسىنا التى كۇن جۇمىس ىستەيتىندەرگە 4 كۇن دەمالىس بولادى: 6، 13، 20 جانە 27-تامىز.
1-تامىزدا ءبىرىنشى سىنىپقا قابىلداۋ ءۇشىن ءوتىنىش بەرۋ توقتاتىلادى. وقۋ- اعارتۋ مينيسترلىگىنىڭ ورتا ءبىلىم كوميتەتىنىڭ مالىمەتىنشە، 15-ماۋسىمدا بالالاردى ءبىرىنشى سىنىپقا قابىلداۋ ءۇشىن 249737 ءوتىنىش تۇسكەن. ولاردىڭ ىشىندە بالالاردىڭ 70 پايىزعا جۋىعى مەملەكەتتىك تىلدە وقىتۋدى تاڭدادى.
گرانت ءتىزىمى
ءبىلىم بەرۋ گرانتى يەلەرىنىڭ ءتىزىمى 10-تامىزعا دەيىن جاريالانادى. ۇلتتىق تەستىلەۋ ورتالىعىنىڭ مالىمەتىنشە، نەگىزگى ۇبت باستالعاننان بەرى 218 مىڭ رەتكە جۋىق تەست تاپسىرىلدى. ونىڭ ىشىندە تالاپكەرلەردىڭ 75 پايىزى قازاق تىلىندە، 25 پايىزى ورىس تىلىندە، 0,1 پايىزى اعىلشىن تىلىندە تەستىلەۋدەن وتكەن.
ۇ ب ت باستالعالى شەكتى بالدى 78 پايىزعا جۋىق تالاپكەر جيناعان. ورتاشا بالعا - 69. ەڭ جوعارى بالل - 137.
ايتا كەتەيىك، «قازاقستان حالقىنا» قورى قوسىمشا 850 گرانت بولگەن بولاتىن. ونى كەلەسى ساتىداعى ادامدار الا الادى:
اۋىلدىق جەرلەردەگى، شاعىن جانە مونوقالالارداعى از قامتىلعان وتباسىلار؛
جەتىم بالالار نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعان بالالار؛
مۇگەدەكتىگى بار ازاماتتار؛
مۇگەدەك بالالاردى تاربيەلەپ وتىرعان وتباسىلار؛
2022 -جىلعى قايعىلى قاڭتار وقيعالارى كەزىندە قازا تاپقان قازاقستان رەسپۋبليكاسى ازاماتتارىنىڭ بالالارى؛
2022 -جىلعى قايعىلى قاڭتار وقيعالارى كەزىندە جارالانعان بالالار؛
توتەنشە جاعدايلار كەزىندە زارداپ شەككەن قازاقستان رەسپۋبليكاسىنىڭ قازا تاپقان ازاماتتارىنىڭ بالالارى (قوردىڭ قامقورشىلىق كەڭەسىنىڭ شەشىمى نەگىزىندە).
كولىك جۇرگىزۋ كۋالىگىن الۋداعى وزگەرىستەر
8-تامىزدان باستاپ ىشكى ىستەر ءمينيسترىنىڭ كولىك جۇرگىزۋ كۋالىگىن الۋعا قاتىستى وزگەرىستەر بۇيرىعى كۇشىنە ەنەدى، ياعني:
تەوريالىق نەمەسە پراكتيكالىق ەمتيحانداردى تاپسىرۋ ءۇشىن جۇرگىزۋشىلەرگە كانديداتتار ەلەكتروندىق ۇكىمەت پورتالى، ەكىنشى دەڭگەيدەگى بانكتەردىڭ اقپاراتتىق جۇيەلەرى ارقىلى نەمەسە قىزمەت وپەراتورىنا جۇگىنۋ ارقىلى ءوتىنىش بەرەدى؛
جۇرگىزۋشىگە كانديدات تۇلعانىڭ بيومەتريالىق دەرەكتەرىن مەملەكەتتىك اقپاراتتىق جۇيەلەردەگى مالىمەتتەرمەن سالىستىرۋ ارقىلى سايكەستەندىرۋدەن وتەدى؛
كەيىن جۇرگىزۋشىگە كانديداتتىڭ جەكە كابينەتىندە مەملەكەتتىك قىزمەت كورسەتۋ ءۇشىن سۇراۋ سالۋدىڭ قابىلدانعانى تۋرالى مارتەبە كورسەتىلەدى.
تامىز ايىنداعى ەڭ قاۋىپتى ءۇش كۇن
تامىزدا ءۇش كۇن ماگنيتتىك داۋىل بولادى.
1-2-تامىز ارالىعىندا 2 بالدىق اتموسفەرالىق شابۋىل بولادى.
3-4-تامىزدا اتموسفەرالىق شابۋىل دەڭگەيى 3 بالعا جەتەدى.
4-18-تامىز ارالىعىندا 2 بالل دەڭگەيى ساقتالادى.
18-29-تامىزدا شابۋىل دەڭگەيى تومەندەيدى.
30-تامىزدا ايتارلىقتاي اتموسفەرالىق شابۋىل بولادى: دەڭگەيى 3 بالعا جەتەدى.
31-تامىزدا شابۋىل دەڭگەيى 1 بالعا تومەندەيدى.
وسىلايشا، ماگنيتتىك داۋىل 3، 4 جانە 30-تامىزدا بولادى.
تامىزداعى اۋا رايى
جازدىڭ سوڭعى ايىندا قازاقستاننىڭ باسىم بولىگىندە تۇراقسىز اۋا رايى باستالادى. اتموسفەرالىق فرونتتاردىڭ وتۋىمەن جاۋىن- شاشىن، نايزاعاي، بۇرشاق جانە ەكپىندى جەل كۇتىلەدى.
ايدىڭ ءبىرىنشى ونكۇندىگىندە اۋا تەمپەراتۋراسىنىڭ شامالى تومەندەۋى بولجانادى:
رەسپۋبليكانىڭ سولتۇستىگىندە، ورتالىعىندا، شىعىسىندا تۇندە 12+22 گرادۋستان 10+18 گرادۋسقا دەيىن، كۇندىز 30+35 گرادۋستان 22+30 گرادۋسقا دەيىن،
وڭتۇستىك وڭىرلەردە تۇندە 20+27 گرادۋستان +18+23 گرادۋسقا دەيىن، كۇندىز 34+42 گرادۋستان 28+35 گرادۋسقا دەيىن.
ەلىمىزدىڭ باتىسىندا اۋا تەمپەراتۋراسىنىڭ تۇندە 13+20 گرادۋستان 20+25 گرادۋسقا دەيىن، كۇندىز 25+30 گرادۋستان 33+41 گرادۋسقا دەيىن؛ وڭتۇستىك- باتىستا تۇندە 20+25 گرادۋستان 25+30 گرادۋسقا دەيىن شامالى اۋىتقۋى كۇتىلەدى، كۇندىز اۋا تەمپەراتۋراسى 30+40 گرادۋس شەگىندە ساقتالادى.
تامىزدىڭ ەكىنشى جانە ءۇشىنشى ونكۇندىكتەرىندە رەسپۋبليكا اۋماعىندا باريكالىق تۇزىلىمدەردىڭ كەزەكتەسۋى بايقالاتىن بولادى. ىستىق جانە قۇرعاق كۇندەر سالقىن جانە جاڭبىرلى، كەيدە نايزاعاي مەن بۇرشاقپەن اۋىسىپ وتىرادى. اۋا تەمپەراتۋراسى سولتۇستىك ايماقتاردا تۇندە 13+20 گرادۋستان 8+15 گرادۋسقا دەيىن، كۇندىز 17+25 گرادۋستان 23+30 گرادۋسقا دەيىن اۋىتقۋى، وڭتۇستىك جانە باتىس ايماقتاردا اۋا تەمپەراتۋراسىنىڭ نەگىزگى فونى تۇندە 13+22 گرادۋس، كۇندىز 28+38 گرادۋس كۇتىلەدى.
اقپارات دەرەككوزى: Massaget.kz