تاراز تۇرعىندارىنا قورقور شەككەنى ءۇشىن ايىپپۇل سالىنۋدا

تاراز. قازاقپارات - جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «قاراسورا-2023» جانە «دارمەك» جەدەل الدىن الۋ ءىس-شاراسى اياسىندا كافەدە قورقور شەككەنى ءۇشىن 38 تۇرعىنعا ايىپپۇل سالدى، دەپ حابارلايدى قازاقپارات ءتىلشىسى.
None
Фото: пресс-служба ДП Жамбылской области

وبلىس ورتالىعىندا تاراز قالاسىنىڭ پوليتسيا باسقارماسى، 1، 2 -پوليتسيا بولىمدەرى، پروكۋراتۋرا جانە تاراز قالاسى اكىمدىگىنىڭ قىزمەتكەرلەرى، سونداي-اق ەرىكتىلەر بىرلەسىپ، ويىن- ساۋىق ورىندارىندا رەيدتىك تەكسەرۋ شارالارىن جۇرگىزگەن بولاتىن. ناتيجەسىندە 43 ويىن-ساۋىق مەكەمەسىندە ق ر ا ق ب ت ك-نىڭ 441-بابى، ياعني، قوعامدىق ورىنداردا تەمەكى ونىمدەرىن (كاليان) تۇتىنۋعا تىيىم سالۋدى بۇزۋ بويىنشا 38 اكىمشىلىك قۇقىق بۇزۋشىلىق دەرەگى انىقتالدى. بۇل باپتىڭ سانكتسياسى 15 ايلىق ەسەپتىك كورسەتكىشتى، ياعني، 51750 تەڭگە مولشەرىندە ايىپپۇل تۇرىندەگى اكىمشىلىك جازانى كوزدەيدى.

رەيد بارىسىندا قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، قوعامدىق ورىنداردا كاليان شەگۋگە تىيىم سالۋ تۋرالى اقپاراتى بار پاراقشالار تاراتىلدى.

«تاراز قالاسىنداعى كافە-بارلاردىڭ اكىمشىلەرىنە ق ر ا ق ب ت ك-نىڭ 422-بابى، ەسىرتكى، پسيحوتروپتىق زاتتار مەن پرەكۋرسورلاردى وتكىزۋ جانە (نەمەسە) مەديتسينالىق ەمەس تۇتىنۋدىڭ جولىن كەسۋ شارالارىن قولدانباۋ بويىنشا اكىمشىلىك جاۋاپكەرشىلىك تۋرالى ەسكەرتىلدى. وسى باپ تالاپتارىن بۇزعان شاعىن كاسىپكەرلىك سۋبەكتىلەرىنە 150 مىڭ تەڭگە، ورتا كاسىپكەرلىك سۋبەكتىلەرىنە 300 مىڭ تەڭگە مولشەرىندە ايىپپۇل سالىنادى. ق ر ق ك 299-1 بابى، ەسىرتكى قۇرالدارىن ناسيحاتتاۋ جانە زاڭسىز جارنامالاۋ بويىنشا قىلمىستىق جاۋاپكەرشىلىك كوزدەلگەن، ياعني ءۇش جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلادى»، - دەپ حابارلادى وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى پوليتسيا پودپولكوۆنيگى ءالىم باجىقبايەۆ.

بۇعان دەيىن تاراز تۇرعىنىنان 2 سەنتنەرگە جۋىق كاننابيس تاركىلەنگەنىن جازعان بولاتىنبىز.

سوڭعى جاڭالىقتار