ءۇش مينيستر قاماۋعا الىندى
اتاپ ايتقاندا، مۇناي ءمينيسترى ساني يسسۋف ماحاماد قامالعان. ول - نيگەردىڭ ەكس-پرەزيدەنتى ماحامادۋ يسسۋفۋدىڭ ۇلى. سونداي-اق كولىك ءمينيسترى المۋ ۋمارۋ، شاحتالار ءمينيسترى ۋسەيني حاديزاتۋ ياكۋبا مەن دەموكراتيا جانە سوتسياليزم پارتياسىنىڭ ءتوراعاسى فۋماكويە گادو بار.
وتكەن اپتادا ءمالىم بولعانداي، نيگەر پرەزيدەنتى گۆاردياسىنىڭ قىزمەتكەرلەرىنىڭ ءبىر بولىگى مەملەكەت باسشىسىنا قارسى شىقتى. ول ۇستالىپ، بيلىكتەن قۋىلدى. قازىر پرەزيدەنت موحامەد بازۋمنىڭ قايدا ەكەنى بەلگىسىز. سونىمەن قاتار قاماۋعا سىرتقى ىستەر ءمينيسترى حاسسۋمي ماسسۋدۋ الىندى.
نيگەردە بۇلىك 26-شىلدەدە باستالعان بولاتىن. پرەزيدەنتتىك گۆارديا پرەزيدەنت بازۋم مەن ونىڭ وتباسىن رەزيدەنتسيادان شىعارماي قويعان.
مەملەكەتتىك توڭكەرىستىڭ باسى-قاسىندا جۇرگەن گەنەرال ومار تچياني ءوزىن وتپەلى كەزەڭنىڭ پرەزيدەنتى ەتىپ جاريالادى. ول بۇل تۋرالى ۇلتتىق تەلەۆيدەنيە ەفيرىندە مالىمدەدى.
