پاۆلودارلىق وقۋشى سوققىعا جىعىلدى: بالالاردى قورعاۋ كوميتەتى تۇسىنىك بەردى

استانا. قازاقپارات - وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى پاۆلودار قالاسىندا 14 جاستاعى جاس ءوسپىرىمدى ۇرىپ-سوعۋ وقيعاسىن ءوز باقىلاۋىنا الدى.
None

بۇل تۋرالى اتالعان كوميتەتتىڭ Facebook-پاراقشاسىندا جازىلدى، دەپ حابارلايدى قازاقپارات.

«ورىن العان جاعدايعا بايلانىستى بۇگىندە بالالاردىڭ قۇقىقتارىن قورعاۋ كوميتەتى اتالعان جاعدايدى تولىق باقىلاۋىنا الدى. قازىر زارداپ شەككەن وقۋشى اۋرۋحانادا ەم الۋدا. وعان الداعى ۋاقىتتا جان- جاقتى كومەك كورسەتىلەدى.

تىركەلگەن فاكتى بويىنشا قىلمىستىق ءىس قوزعالدى. كىنالىلەردىڭ بارلىعى جازاعا تارتىلادى.

بالالار اراسىنداعى قاتىگەزدىكتىڭ الدىن الۋ ماقساتىندا وڭىرلەرگە ءبىلىم بەرۋ ۇيىمدارىندا تاربيە جۇمىستارىن كۇشەيتىپ، بالالاردى قوسىمشا بىلىممەن %100 قامتۋ جونىندە شارالار قابىلداۋ تاپسىرىلدى»، - دەلىنگەن حابارلامادا.

رavlodarnews.kz مالىمەتىنشە، 24-شىلدە كۇنى كەشكى ساعات 20:30-دا پاۆلودار كوشەلەرىنىڭ بىرىندە توبەلەس بولعان. 14 جاستاعى جاس ءوسپىرىم زارداپ شەكتى، ول وبلىستىق بالالار اۋرۋحاناسىنا جەتكىزىلدى.

پاۆلودار وبلىسى پوليتسيا دەپارتامەنتىنىڭ مالىمەتىنشە، توبەلەسكە قاتىسقانداردىڭ بارلىعى انىقتالدى.

«وقيعانىڭ بارلىق قاتىسۋشىلارى انىقتالدى. قازىرگى ۋاقىتتا ق ر قىلمىستىق كودەكسىنىڭ 107-بابى 4-بولىگىنىڭ 2-تارماعى بويىنشا سوتقا دەيىنگى تەرگەۋ جۇرگىزىلىپ جاتىر»، - دەدى دەپارتامەنتتەن.

وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ اقپاراتىنا سايكەس، جاس ءوسپىرىمنىڭ جاعدايى - ورتاشا اۋىر.

«وعان «جابىق باسسۇيەك- مي جاراقاتى» دياگنوزى قويىلدى. سونداي-اق بەتى، باسى، ارقاسى، كەۋدەسى جاراقاتتانعان»، - دەدى باسقارمادان.

سوڭعى جاڭالىقتار