تەگىن جەر الۋ كەزەگىندە نەشىنشى بولىپ تۇرعانىڭىزدى قالاي تەكسەرۋگە بولادى؟

وسىلايشا قازاقستاندىقتار 10 سوتىق جەردى الۋعا ءوتىنىم بەرە باستادى. ءوتىنىم بەرگەنىمەن كەزەكتە نەشىنشى بولىپ تۇرعانىن تەكسەرۋگە بولادى. ونى قالاي تەكسەرەمىز؟
Massaget.kz ءتىلشىسى تۇسىندىرەدى.
ەڭ الدىمەن، ءبىرىڭعاي مەملەكەتتىك جىلجىمايتىن مۇلىك كاداسترىنىڭ سايتىنا كىرەمىز. سايتتا جەر ۋچاسكەسىن الۋعا كەزەكتە تۇرعانداردىڭ ءتىزىمى ءبولىمىن تاڭدايمىز.
بۇل جەردە كەزەكتى تولىق اتى-ءجونىڭىز بويىنشا نەمەسە ءنومىر بويىنشا تەكسەرە الاسىز.
اتى-ءجونىڭىزدى قۇجات بويىنشا جازعاننان كەيىن كەزەك ءنومىرىڭىز، اتى-ءجونىڭىز، ءوتىنىم ءنومىرى، ءوتىنىم بەرگەن كۇنىڭىز، كەزەكتە تۇرعانىڭىز نەمەسە كەزەكتە تۇرماعانىڭىز جانە جەر تەلىمى بەرىلەتىن ايماق تۋرالى اقپارات بولادى.
كەزەكتە تۇرماساڭىز جانە اقپارات قاتە بولسا ءوتىنىش بەرە الاسىز.
ارتىنشا ە ت س ق ارقىلى Egov مەملەكەتتىك قىزمەتى ارقىلى ءوتىنىشىڭىزدى قاراي الاسىز.
ايتا كەتەيىك، 18 جاستان اسقان كەز كەلگەن قازاقستاندىق جەكەمەنشىك تۇرعىن ءۇي قۇرىلىسى ءۇشىن 10 سوتىق جەر تەلىمىن تەگىن الا الادى. بۇل رەتتە سىزدە جىلجىمايتىن مۇلىك - پاتەر، ءۇي، گاراج، جەر ۋچاسكەسى بار-جوعى ماڭىزدى ەمەس. دەگەنمەن، تۇرعىن ءۇيدى پايدالانۋعا بەرۋ اكتىسىنە قول قويعاننان كەيىن عانا جەر يەسى اتانادى.
جەردى قازاقستاننىڭ كەز كەلگەن وڭىرىنەن الۋعا بولادى. ول ءۇشىن تۇرعىلىقتى جەردىڭ جانە تۇرعىلىقتى جەر بويىنشا تىركەۋدىڭ قاجەتتىلىگى جوق. قازاقستاندىقتار كەزەككە ونلاين تۇرا الادى. ول ءۇشىن كومپيۋتەر جانە ە ت س ق- كىلت قاجەت. ارى قاراي ەلەكترون ۇكىمەت پورتالىنا ءوتۋ كەرەك، وسى قىزمەت اتاۋىن ىزدەۋ جۇيەسىنە ەنگىزۋگە بولادى نەمەسە «جىلجىمايتىن مۇلىك» - «جەر قاتىناستارى» بولىمىندە «جەكەمەنشىك تۇرعىن ءۇي سالۋعا نەمەسە جەر تەلىمىن الۋعا جەر تەلىمىن قاراۋ نەمەسە الۋ ءۇشىن كەزەككە قويۋ» قىزمەتىن تاڭداۋعا بولادى.
باستاپقىدا ءۇي سالىنىپ، پايدالانۋعا بەرىلگەنگە دەيىن ۋچاسكە ۋاقىتشا وتەۋلى جەر پايدالانۋ (جالعا الۋ) قۇقىعىمەن بەرىلەدى. شارتتا يگەرۋ مەرزىمى كورسەتىلەدى. ونى جەرگىلىكتى اكىمدىك انىقتايدى. تۇرعىن ءۇيدى پايدالانۋعا بەرۋ تۋرالى اكتىگە قول قويىلعاننان كەيىن عانا مەنشىك يەسى بولا الاسىز.