21:41, 31 - شىلدە 2023 | GMT +5
قازاقستاندا قاي جاستاعى ادامداردىڭ سۋعا باتۋى ءجيى كەزدەسەدى
استانا. قازاقپارات - قازاقستاندا قاي جاستاعى ادامدار سۋعا ءجيى باتىپ كەتەدى؟ ەلىمىزدىڭ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا وسىنداي سۇراققا جاۋاپ بەرىلدى، دەپ حابارلايدى قازاقپارات ءتىلشىسى.

«كامەلەت جاسىنا تولماعاندار بويىنشا 14 جاستاعىلار سۋعا ءجيى باتىپ كەتەدى. دۇنيەجۇزىلىك دەنساۋلىق ساقتاۋ ۇيىمىنىڭ ستاتيستيكالىق مالىمەتتەرىنە سايكەس، 14 جاستاعى جاس وسپىرىمدەر سۋعا باتىپ كەتۋدەن ءۇشىنشى ورىندا تۇر. ال سۋعا كەتۋدەن ەرەسەكتەر بويىنشا - 43 جاس»، - دەپ جاۋاپ بەردى توتەنشە جاعدايلار مينيسترلىگى ازاماتتىق قورعانىس كوميتەتىنىڭ اعا وفيتسەرى ەراسىل سايپاش.
ايتا كەتسەك، بۇعان دەيىن جىل باسىنان بەرى 40 بالا مەن جاس ءوسپىرىم سۋعا باتىپ كەتكەنى تۋرالى حابارلاعان ەدىك. توتەنشە جاعدايلار مينيسترلىگىنىڭ مالىمەتىنە سايكەس، سۋعا باتۋ فاكتىلەرىنىڭ %97 شومىلۋعا تىيىم سالىنعان جەرلەردە بولادى. سوڭعى 3 جىل ىشىندە مىڭنان استام قازاقستاندىقتىڭ ءومىرى سۋعا كەتىپ قيىلعان.