اقمولا وبلىسىندا كانادالىق تەحنولوگيا بويىنشا ءسۇت فەرماسى سالىنىپ جاتىر

كوكشەتاۋ. قازاقپارات - اقمولا وبلىسىنىڭ سەلينوگراد اۋدانىندا 1600 باسقا ارنالعان تاۋارلى ءسۇت فەرماسى سالىنۋدا، دەپ حابارلايدى قازاقپارات ءتىلشىسى.
None

اۋدان اكىمدىگىنىڭ مالىمەتىنشە، «مانشۇك- ا ە» جاۋاپكەرشىلىگى شەكتەۋلى سەرىكتەستىگى ءسۇت وندىرىسىندە كانادالىق تەحنولوگيانى ەنگىزۋدى جوسپارلاپ وتىر.

بۇل تەحنولوگيا بويىنشا مال سۋىق كاركاستى قورادا ۇستالادى.

«مانشۇك- ا ە» جاۋاپكەرشىلىگى شەكتەۋلى سەرىكتەستىگىنىڭ ديرەكتورى تيمۋر پشەنوۆ اتاپ وتكەندەي، بۇل - ءىرى قارانى ۇستاۋدا ەكونوميكالىق جانە ەنەرگيا ۇنەمدەۋ جاعىنان ءتيىمدى ءادىس.

سونىمەن بىرگە ءسۇت باعاسىنىڭ قۇنىن ارزان ەتۋگە مۇمكىندىك بەرەدى.

«بۇگىنگى تاڭدا قۇرىلىس قۇرىلىس جۇمىستارىنىڭ 75 پايىزى ورىندالدى. سوڭعى 15 جىلدا بۇل - تسەلينوگراد اۋدانىنداعى العاشقى جوبا. مۇندا تولىق اۆتوماتتاندىرىلعان ساۋۋ جۇيەسى، يمپورتتىق جابدىق بولادى. مۇنداي تاۋارلى ءسۇت فەرماسى سولتۇستىك قازاقستان وبلىسىنىڭ ياسنايا پوليانا اۋىلىنداعى شارۋاشىلىقتا بار. ولار 15 -جىلدان بەرى جۇمىس ىستەپ كەلەدى. ءبىز وسى مودەل بويىنشا ولاردىڭ تاجىريبەسىنە سۇيەنە وتىرىپ، كانادالىق ادىسپەن بيزنەس قۇرىپ جاتىرمىز»، - دەپ ءبولىستى تيمۋر پشەنوۆ.

كاسىپكەردىڭ ايتۋىنشا، «مانشۇك- ا ە» جاۋاپكەرشىلىگى شەكتەۋلى سەرىكتەستىگى قۇرىلىستى جىل سوڭىنا دەيىن اياقتاپ، گولشتەين- فريز تۇقىمدى 1600 باس ءىرى قارا مال ساتىپ الۋدى جوسپارلاپ وتىر.

بۇگىنگى تاڭدا بۇل - الەمدەگى ەڭ ءونىمدى تۇقىم. ورتاشا العاندا، ءبىر گولشتەين سيىرى جىلىنا 10 توننا ءسۇت بەرەدى، ال ەڭ سۇتىسىنەن 25 توننا ءسۇت ساۋىلادى.

ايتا كەتسەك، بۇدان بۇرىن اقمولا وبلىسىندا ءسۇت ءوندىرىسى 32,3 مىڭ تونناعا ۇلعايتۋ جوسپارلانعانىن جازعان ەدىك.


سوڭعى جاڭالىقتار