الانياداعى جول اپاتى: اۋىر جاراقات العان قازاقستاندىق تۋريست قايتىس بولدى

بۇل حاباردى ق ر سىرتقى ىستەر مينيسترلىگىنىڭ باسپا ءسوز قىزمەتى راستادى.
«الانياداعى اپاتتان زارداپ شەككەن جولاۋشىلاردىڭ ءبىرى بۇگىن تاڭەرتەڭ اۋىر جاراقات سالدارىنان اۋرۋحانادا قايتىس بولدى. قازا تاپقان ق ر ازاماتىنىڭ ۇلى بۇگىن انتالياعا كەلدى جانە قازىر ءبىزدىڭ ديپلوماتتارمەن بىرگە. وعان بۇكىل قاجەتتى كومەك كورسەتىلەدى»، - دەپ جازىلعان ق ر س ءى م حابارلاماسىندا.
ەسكە سالايىق، تۇركيالىق ب ا ق- تىڭ حابارلاۋىنشا، قازاقستاندىق تۋريستەردى تاسىمالداعان ميكرواۆتوبۋس الانياداعى Okurcalar Mahallesi D-400 تراسساسىندا جۇك كولىگىنە سوعىلعان.
سالدارىنان كولىك جۇرگىزۋشى مەن گ ي د (ۋكراينا ازاماتى) وقيعا ورنىندا كوز جۇمدى.
اپات ورنىنا پوليتسيا مەن مەديتسينا بريگادالارى دەرەۋ جىبەرىلگەن. كولىكتە بولعان 12 تۋريستىڭ التاۋى اۋىر جاراقاتپەن جەرگىلىكتى اۋرۋحاناعا جەتكىزىلدى.
بۇگىن جول اپاتىنان ەكى قازاقستاندىق جاراقات العانى، ولارعا وتا جاسالعانى حابارلاندى.