16:43, 31 - شىلدە 2023 | GMT +5
الماتىدا ايەلدىڭ باسىن كەسىپ العان كۇدىكتىنىڭ ءىسى سوتقا جولداندى
الماتى. قازاقپارات - الماتىدا ايەلدىڭ باسىن كەسىپ، بازارعا اپارىپ تاستاعان كۇدىكتىگە قاتىستى قىلمىستىق ءىس سوتقا جولداندى، دەپ حابارلايدى قازاقپارات ءتىلشىسى.

«الدىن الا تىڭداۋ 2- تامىز ساعات 16:00 گە بەلگىلەنگەن»، - دەپ حابارلادى قالالىق سوتتىڭ باسپا ءسوز قىزمەتى.
ەسكە سالايىق، 12- ءساۋىر ساعات 08:40 تە شولوحوۆ كوشەسىندەگى قاراۋسىز قالعان عيماراتتىڭ جانىنان ايەلدىڭ ءمايىتى تابىلعان بولاتىن.
1976-جىلى تۋعان، تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعان ايەلدىڭ باسى كەسىپ الىنعانى بەلگىلى بولدى.
ءبىراز ۋاقىتتان كەيىن سول ماڭداعى ساۋدا ورىندارىنىڭ بىرىنەن ءمايىتتىڭ باسى تابىلدى.
كەيىن 61 جاستاعى كۇدىكتى ەر ادام ۇستالىپ، سوت سانكسياسىمەن قاماۋعا الىندى.
كۇدىكتى جابىرلەنۋشىمەن بىرنەشە كۇننەن بەرى تانىس بولعان، قىلمىس جانجال كەزىندە جاسالعان.