قايتارىلعان اكتيۆتەردى باسقاراتىن كومپانيا قۇرىلادى

استانا. قازاقپارات - «قايتارىلعان اكتيۆتەردى باسقارۋ جونىندەگى كومپانيا» جاۋاپكەرشىلىگى شەكتەۋلى سەرىكتەستىگى قۇرىلادى، دەپ حابارلايدى قازاقپارات ءتىلشىسى.
None

«جارعى كاپيتالىندا مەملەكەتتىڭ ءجۇز پايىز قاتىسۋىمەن «قايتارىلعان اكتيۆتەردى باسقارۋ جونىندەگى كومپانيا» جاۋاپكەرشىلىگى شەكتەۋلى سەرىكتەستىگى قۇرىلسىن. «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭدا جانە قازاقستان رەسپۋبليكاسىنىڭ باسقا دا زاڭدارىندا، نورماتيۆتىك قۇقىقتىق اكتىلەرىندە بەلگىلەنگەن تارتىپپەن قايتارىلعان اكتيۆتەردى باسقارۋ، ساقتالۋىن قامتاماسىز ەتۋ، وتكىزۋ - سەرىكتەستىكتىڭ نەگىزگى ماقساتتارى بولىپ ايقىندالسىن. سەرىكتەستىكتىڭ جارعىلىق كاپيتالى وسى قاۋلىعا قوسىمشاعا سايكەس قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنىڭ تەڭگەرىمىندەگى مۇلىكتى بەرۋ جولىمەن قالىپتاستىرىلسىن»، - دەلىنگەن اشىق نورماتيۆتىك- قۇقىقتىق اكتىلەر پورتالىندا جاريالانعان ۇكىمەت قاۋلىسىندا.

باسقارۋشى كومپانيانىڭ مىندەتتەرى - مەملەكەتكە قايتارىلعان اكتيۆتەردى ونىڭ اتىنان مەنشىگىنە قابىلداۋ، مەملەكەت كىرىسىنە اينالدىرىلعان اكتيۆتەردىڭ ساقتالۋىن جانە ۇستالۋىن قامتاماسىز ەتۋ، اكتيۆتەرگە بيلىك ەتۋ، اكتيۆتەردى وتكىزۋدەن تۇسكەن قاراجاتتى ارناۋلى مەملەكەتتىك قورعا اۋدارۋدى قامتاماسىز ەتۋ.

سوڭعى جاڭالىقتار