الاكولدە سۋ موتوسيكلى دەمالۋشىنىڭ اياعىن جۇلىپ كەتتى

وقيعا 30- شىلدە كۇنى جەتىسۋ وبلىسى الاكول اۋدانىنىڭ اقشي اۋىلىنداعى كول جاعالاۋىندا بولعان.
1984-جىلعى زارداپ شەگۋشى الاكول اۋدانىنىڭ اۋرۋحاناسىنا جەتكىزىلدى. ونىڭ سول اياعىن جۇلىپ اكەتكەن.
«قازىر ناۋقاستىڭ جاعدايى اۋىر. ول ارنايى اپپاراتتىڭ كومەگىمەن تىنىس الۋدا. 1984-جىلى تۋعان پاتسيەنت الاكول اۋداندىق اۋرۋحاناسىنا 30- شىلدە كۇنى ساعات 16:10 كەلىپ ءتۇستى. العان جاراقاتى سالدارىنان پاتسيەنتتىڭ سول اياعى جۇلىنىپ كەتكەن. 3-4- ساتىداعى تراۆماتيكالىق شوك العان. جەدەل تۇردە سول اياعىنا وپەراتسيا جاسالدى. 31- شىلدە كۇنگى مالىمەت بويىنشا پاتسيەنتتىڭ جاعدايى وتە اۋىر. جانساقتاۋ بولىمىندە ەم قابىلداپ جاتىر»، - دەلىنگەن جەتىسۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
پوليتسيا ق ر ق ك 344-بابى بويىنشا قىلمىستىق ءىس قوزعاپ، تەرگەۋ جۇرگىزىپ جاتىر.