پوليتسيا قاعازباستىلىقتان بوساتىلىپ جاتىر - مينيسترلىك

استانا. قازاقپارات - ىشكى ىستەر مينيسترلىگى كادر ساياساتى دەپارتامەنتى باستىعىنىڭ ورىنباسارى شىڭعىس الەكەشيەۆ پوليتسيا جۇمىسىنداعى نەگىزگى وزگەرىستەر جايىندا ايتىپ بەردى، دەپ حابارلايدى قازاقپارات ءتىلشىسى.
None

«ءبىز قىزمەتكەرلەردى قاعازباستىلىقتان بوساتىپ جاتىرمىز. بۇل رەتتە ولار وزدەرىنىڭ نەگىزگى مىندەتتەرىنە نازار اۋدارا الادى. ماسەلەن، تۇرعىندارمەن تىعىز قارىم- قاتىناستا ۋچاسكەلىك ينسپەكتور جۇمىس ىستەيدى. تالداۋ باراسىندا ينسپەكتوردىڭ جۇمىس ۋاقىتىنىڭ كوپ بولىگى شامادان تىس قاعازباستىلىققا جۇمسالعانى انىقتالدى. وسىنىڭ سالدارىنان پوليتسەيدىڭ پروفيلاكتيكالىق جۇمىستارعا ۋاقىتى بولمايدى»، - دەدى ش. الەكەشيەۆ مينيسترلىكتە وتكەن اپتالىق بريفينگىدە.

ونىڭ ايتۋىنشا، وسى ماسەلەنى ەسكەرە وتىرىپ، 10 جۋرنال مەن تىركەۋ جاساۋدىڭ 6 قۇجاتىن، ەكى ستاتيستيكالىق ەسەپتى جانە 5 راپورتتى تسيفرلاندىرۋ تۋرالى شەشىم قابىلداندى.

«پاترۋلدىك پوليتسەيلەرگە قاتىستى وسىنداي قادامدار جاسالدى. بۇرىن ءبىر اۋىسىمداعى قىزمەتكەرلەردى الماستىرۋعا ءبىر ساعات ۋاقىت كەتەتىن. اۆتوكولىككە قاي جەردە ءارى قاشان جانارماي قۇيۋ، جوندەۋ، كولىك جۋۋ ورىندارىندا كەزەك كۇتۋ سياقتى ماسەلەلەردى ءپاترۋلدىڭ ءوزى اتقارىپ كەلگەن. وسىنداي ارەكەتتەر كەزىندە قالا كوشەلەرى ءپاترۋلسىز قالاتىن. اتاپ ايتقاندا، كولىككە قاتىستى ماسەلەلەرمەن پوليتسەيلەر اينالىسپاۋى كەرەك. سوندىقتان ءبىز بۇل سالا بويىنشا اۋقىمدى جاڭعىرتۋدى باستادىق»، - دەدى دەپارتامەنت وكىلى.

وسى رەتتە جاعىلعان وتىندى ەسەپتەيتىن ەلەكتروندى- كارتالىق جۇيە ەنگىزىلدى. قىزمەتتىك كولىكتەردى جوندەۋ بويىنشا ءتيىستى تالاپتار بەكىتىلدى. سونىمەن قاتار، زاماناۋي اۆتوكولىك جۋۋ ورىندارى بەكىتىلدى.

«مۇنىڭ بارلىعى قىزمەتكەرلەردىڭ باستى نازارى ازاماتتارمەن ساپالى جۇمىس ىستەۋگە باعىتتالۋى ءۇشىن جاسالىپ وتىر. پاترۋلدىك پوليتسيا قىزمەتكەرلەرى شاقىرتۋ بولعان جەرگە جەدەل جەتىپ، قىلمىسكەرلەردى جەدەل ۇستاپ، قالاداعى ءتارتىپتى تاۋلىك بويى قامتاماسىز ەتەدى»، - دەدى ش. الەكەشيەۆ.

سوڭعى جاڭالىقتار