دەكرەتتىك تولەم قالاي راسىمدەلەدى جانە ەسەپتەلەدى؟

استانا. قازاقپارات – بولاشاق اناعا قانداي تولەم تولەنەدى؟ دەكرەتتىك دەمالىسقا ارنالعان تولەم قالاي ەسەپتەلەدى؟
None

ەسەپتەۋ فورمۋلاسى قانداي؟ Massaget.kz بۇل سۇراقتاردىڭ جاۋابىن انىقتاپ كوردى.

جۇمىس ىستەيتىن ايەلدەرگە بوسانۋعا دەيىن كۇتىلەتىن كۇنگە دەيىن 70 كۇن جانە بالا تۋعاننان كەيىن 56 كۇن دەكرەتتىك دەمالىس بەرىلەدى. ەگەر بوسانۋ اسقىنعان بولسا، ءبىر ۋاقىتتا ەكى نەمەسە ودان دا كوپبالانىڭ تۋۋ جاعدايىندا دەمالىس قوسىمشا 14 كۇنتىزبەلىك كۇنگە ۇزارتىلادى.

بالانىڭ دۇنيەگە كەلۋىنە بايلانىستى دەمالىستىڭ قانداي تۇرلەرى بار؟

جۇكتى ايەلدەرگە، بالا تۋعان ايەلدەرگە، جاڭا تۋعان بالانى اسىراپ العان ايەلدەرگە (ەركەكتەرگە) بالانىڭ دۇنيەگە كەلۋىنە بايلانىستى مىناداي دەمالىستار بەرىلەدى:

جۇكتىلىككە جانە بوسانۋعا بايلانىستى دەمالىس؛

جاڭا تۋعان بالانى اسىراپ العان قىزمەتكەرلەرگە دەمالىس؛

بالا ءۇش جاسقا تولعانعا دەيىن ونىڭ كۇتىمىنە بايلانىستى جالاقى ساقتالمايتىن دەمالىس؛

بۇل تۋرالى ەڭبەك كودەكسىنىڭ 99-بابىندا جازىلعان.

دەكرەتتىك دەمالىس الۋ ءۇشىن نە ىستەۋ كەرەك؟

جۇكتىلىك جانە بوسانۋ بويىنشا دەكرەتتىك دەمالىس ءۇشىن سىزگە ەڭبەككە ۋاقىتشا جارامسىزدىق پاراعى (جارامسىزدىق پاراعىن) الۋ قاجەت. بۇل جۇكتىلىكتىڭ 30 اپتاسىنان كەيىن ءسىزدىڭ اكۋشەر- گينەكولوگىڭىز، ال ول بولماعان كەزدە دارىگەر، ءبولىم مەڭگەرۋشىسىمەن مەديتسينالىق- كونسۋلتاتيۆتىك كوميسسيانىڭ قورىتىندىسىنان كەيىن بەرىلەدى.

دارىگەردەن الىنعان ەڭبەككە ۋاقىتشا جارامسىزدىق پاراعىن جۇمىستا كادرلار بولىمىنە ۇسىنىپ، ءوتىنىش جازۋ كەرەك، سودان كەيىن دەكرەتتىك دەمالىس تۋرالى بۇيرىق شىعارىلادى.

دەكرەتتىك تولەم قالاي ەسەپتەلەدى؟

بۇل تولەم كەيىنگى ءبىر جىلداعى ورتاشا ايلىق تابىس مولشەرىن (و ا ج) جۇمىسقا جارامسىزدىق كۇندەر كوەفيتسەنتىنە (ج ج ك ك) كوبەيتىپ، 10 پايىز مىندەتتى زەينەتاقىلىق اۋدارىمداردى شەگەرۋ ارقىلى ەسەپتەلىنەدى.

(و ا ت×ج ج ك ك) -10 پايىز

ورتاشا ايلىق تابىس مولشەرى كەيىنگى 1 جىلداعى بارلىق تابىستى قوسىپ، 12 گە ءبولۋ ارقىلى ەسەپتەلەدى.

جۇمىسقا جارامسىزدىق كوەففيتسيەنتى جۇكتىلىككە بايلانىستى دەمالىس كۇندەرىنىڭ سانى 30 كۇنگە ءبولۋ ارقىلى ەسەپتەلەدى. قالىپتى جاعدايداعى جۇكتىلىك پەن بوسانۋ كەزىندە جۇمىسقا جارامسىزدىق كۇندەر سانى 126.

مىسالى، ءسىز كەيىنگى 7 ايدا 500 مىڭ تەڭگە، قالعان 5 ايدا 600 مىڭ تەڭگە الساڭىز، ورتاشا ايلىق تابىس مولشەرىڭىز - 541667 تەڭگە. ال جۇمىسقا جارامسىزدىق كوەففيتسيەنتى 126:30=4,2.

ەسەپتەپ كورەيىك:

(7×500000)+(5×600000) =3500000؛

541667=12÷3500000 (1 جىلداعى ورتاشا ايلىق تابىسى)؛

2275000=541667×4,2 (4,2 جۇمىسقا جارامسىز كۇندەر كوەففيتسەنتى)؛

پايىز10-2275000 =2047501 (10 پايىز - مىندەتتى زەينەتاقى قورىنا اۋدارىم).

دەمەك جىلدىق ورتاشا ايلىق 3 ميلليوننان اسسا، دەكرەتتىك تولەم 2047501 تەڭگە تۇسەدى.

بۇل مىسالدا قالىپتى بوسانۋ جاعدايىنداعى ەسەپتەۋ ۇلگىسى كورسەتىلگەن.

بالا كۇتىمى بويىنشا اي سايىنعى الەۋمەتتىك جاردەماقى قالاي ەسەپتەلەدى؟

«بالالى وتباسىلارعا بەرىلەتىن مەملەكەتتىك جاردەماقىلار تۋرالى» قازاقستان رەسپۋبليكاسىنىڭ 2005 -جىلعى 28-ماۋسىمداعى زاڭىنىڭ 10-بابى 1-تارماعىنىڭ 2) تارماقشاسىنا سايكەس جۇمىس ىستەمەيتىن ايەلدەر ءۇشىن بالا 1,5 جاسقا تولعانعا دەيىن ونىڭ كۇتىمىنە بايلانىستى اي سايىنعى مەملەكەتتىك جاردەماقىنىڭ مولشەرى مىناداي مولشەرلەردە بەلگىلەنگەن:

1 بالاعا - 5,76 ايلىق ەسەپتىك كورسەتكىش؛

2 بالاعا - 6,81 ايلىق ەسەپتىك كورسەتكىش؛

3 بالاعا - 7,85 ايلىق ەسەپتىك كورسەتكىش؛

4 جانە ودان دا كوپ بالاعا - 8,90 ايلىق ەسەپتىك كورسەتكىش.


سوڭعى جاڭالىقتار