جەتىسۋ وبلىسىندا ەكى جاياۋ جۇرگىنشىنى كولىك قاعىپ، مەرت قىلدى

تالدىقورعان. قازاقپارات - جەتىسۋ وبلىسىندا ەكى جاياۋ جۇرگىنشىنى كولىك قاعىپ، مەرت قىلدى، دەپ حابارلايدى قازاقپارات ءتىلشىسى.
None

جول- كولىك وقيعاسى «الماتى- وسكەمەن» تاس جولىنىڭ 141 شاقىرىمىندا بولدى. 29 جاستاعى اۋدي كولىگىنىڭ جۇرگىزۋشىسى ءرۋلدى باسقارا الماي، جاياۋ جۇرگىنشىلەر وتكەلىنەن ءوتىپ بارا جاتقان ەكى جاياۋ جۇرگىنشىنى قاعىپ كەتتى. ەكى ەر ادام سول جەردە كوز جۇمدى.

«اتالعان فاكتى بويىنشا سوتقا دەيىنگى تەرگەپ-تەرگەۋ باستالدى. ونىڭ بارىسىندا قاجەتتى ساراپتامالار تاعايىندالا وتىرىپ، ولىمگە اكەلگەن ج ك و-نىڭ بارلىق ءمان-جايى انىقتالادى. اۆتوكولىك ارنايى اۆتوتۇراققا ورنالاستىرىلدى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

پوليتسيا كولىك جۇرگىزۋشىلەرىنەن جىلدامدىق رەجيمىن قاتاڭ ساقتاۋدى سۇرايدى. ەسىڭىزدە بولسىن، جول قوزعالىسى ەرەجەلەرىن ەلەمەۋ، ادەتتە، قايعىلى جاعدايعا اكەلەدى.


سوڭعى جاڭالىقتار