جازعى ۋنيۆەرسيادا: دزيۋدوشى اسقار نارقۇلوۆ ەل قورجىنىنا ءتورتىنشى مەدالدى سالدى
دزيۋدوشى اسقار نارقۇلوۆ قولا جۇلدەگەر اتاندى: 73 كەلىگە دەيىنگى سالماقتا ءۇشىنشى ورىن ءۇشىن وتكەن بەلدەسۋدە ول قىرعىزستان وكىلى شىڭعىسحان ساعىناليەۆتى جەڭدى.
ەسكە سالايىق، بۇل قازاقستان ءۇشىن ءبىر كۇندەگى ءۇشىنشى مەدال. بۇعان دەيىن، «قولانى» شاعىن كاليبرلى ۆينتوۆكادان اتۋدىڭ شەبەرلەرى كونستانتين مالينوۆسكي، يسلام ساتپايەۆ پەن شاحتورين نيكيتا؛ تەز اتىلاتىن پيستولەتتەن اتۋ ديستسيپليناسىندا چيريۋكين نيكيتا الدى.
كەشە دزيۋدوشى سۇڭعات جۇباتقان قولا مەدال جەڭىپ الىپ، ەل قورجىنىنا العاشقى مەدال سالعان بولاتىن.
29-شىلدە كۇنگى جارىستاردى قازاقستان مەدالدار كەستەسىندە 14-ورىنمەن اياقتادى.
ايتا كەتەيىك، جازعى ۋنيۆەرسياداعا 93 قازاقستاندىق سپورتتىڭ 11 تۇرىنەن (ساداق اتۋ؛ وق اتۋ؛ جەڭىل اتلەتيكا؛ سپورتتىق گيمناستيكا؛ دزيۋدو؛ كوركەم گيمناستيكا؛ ۇستەل تەننيسى؛ تاەكۆوندو؛ ۋ-شۋ؛ ءجۇزۋ؛ سەمسەرلەسۋ) قاتىسىپ جاتىر. ەل قۇراماسى ەلىمىزدىڭ 26 جوعارى وقۋ ورنىنىڭ ستۋدەنتتەرىنەن جاساقتالعان.
