07:29, 30 - شىلدە 2023 | GMT +5
قىتايداعى جازعى ۋنيۆەرسيادا: قازاقستان قورجىنىنا العاشقى مەدال ءتۇستى
استانا. قازاقپارات - قىتايدىڭ چىڭدۋ قالاسىندا ءوتىپ جاتقان جازعى ۋنيۆەرسيادادا قازاقستان قورجىنىنا العاشقى مەدال ءتۇستى، دەپ حابارلايدى قازاقپارات ءتىلشىسى.

Sports.kz سايتىنان الىنعان مالىمەتكە قاراعاندا، دزيۋدوشى سۇڭعات جۇباتقان ۇزدىك ۇشتىككە ىلىكتى.
سۇڭعات قولا جۇلدە ءۇشىن بەلدەسۋدە وزبەكستاندىق ابدۋراحيم نۋتفۋللويەۆتى ۇتتى.
جارىس بارىسىندا س. جۇباتقان ماجارستاندىق، تۇرىكمەنستاندىق جانە ازەربايجاندىق دزيۋدوشىلاردى قاپى قالدىردى. تەك جارتىلاي فينالدا جاپونيالىق سپورتشىعا جول بەردى.
ۋنيۆەرسيادا 28- شىلدە – 8-تامىز ارالىعىندا وتەدى. وندا 10 سپورت ءتۇرى بويىنشا 90 قازاقستاندىق سىنعا تۇسەدى.
بۇدان بۇرىن جازعى ۋنيۆەرسيادا تاريحىندا قازاقستان سپورتشىلارى قالاي ونەر كورسەتكەنىن جازعان بولاتىنبىز.