10:47, 30 - شىلدە 2023 | GMT +5
بۇگىن ءۇش قالادا اۋا ساپاسى ناشارلايدى
استانا. قازاقپارات - جەكسەنبى، 30- شىلدەدە رەسپۋبليكانىڭ باسىم بولىگىندە قولايلى اۋا رايى ساقتالادى، دەپ حابارلايدى قازاقپارات.
«قازگيدرومەت» ر م ك مالىمەتى بويىنشا الماتى، اقتوبە، استانا قالالارىندا اۋانىڭ لاستانۋىنا بايلانىستى قولايسىز مەتەورولوگيالىق جاعداي قالىپتاسۋى مۇمكىن.
قولايسىز مەتەورولوگيالىق جاعداي - اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
ق م ج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
