تاشكەنتتە ەكى كۇنگە ليفت ىشىندە قالىپ قويعان ايەل كوز جۇمدى

تاشكەنت. قازاقپارات - تاشكەنتتەگى جاڭا عيماراتتاردىڭ بىرىندە ليفتىنىڭ ىشىنەن ايەلدىڭ دەنەسى تابىلدى، دەپ حابارلايدى قازاقپارات ءتىلشىسى.
None

ىزدەستىرۋ جۇمىستارىن جۇرگىزەتىن Uzalert ۆولونتەرلەر توبى وزدەرىنىڭ اقپارات ارناسىندا ايەلدىڭ جوعالعانى تۋرالى 26-شىلدەدە حابارلادى. بەلگىلى بولعانداي، پوشتاشى بولىپ جۇمىس ىستەگەن 32 جاستاعى ايەل جۇمىستان كەيىن كەيىن ۇيىنە ورالماعان. 26- شىلدەدە وعان ىزدەۋ سالىندى.

28- شىلدەدە Uzalert جوعالعان ايەل قالاداعى جاڭا عيماراتتاردىڭ بىرىندە ليفت ىشىندە ءولى كۇيىندە تابىلعانىن ءمالىم ەتتى.

«ولگانىڭ جاڭا عيماراتتاعى ليفتىگە كىرىپ بارا جاتقانى بەينەكامەراعا ءتۇسىپ قالعان. بەلگىلى بولعانداي، ليفت ەڭ سوڭعى قاباتتا ىستەن شىققان. ۇيدە تۇرعىندار از بولعاندىقتان، ليفتىنىڭ تۇرىپ قالعانىن ەشكىم ەلەمەگەن»، - دەدى ەرىكتىلەر.

تەكسەرۋ بارىسىندا ءۇي تۇرعىندارى ليفت بىرنەشە كۇن بويى اقاۋلى كۇيدە بولعانىن جانە مۇنداي جاعداي بۇعان دەيىن ءجيى ورىن العانىن ءتۇسىندىردى.

«الدىن الا مەديتسينالىق قورىتىندىعا سايكەس، ايەل ولىمىنە جۇرەكتىڭ يشەميالىق اۋرۋى، جەدەل جۇرەك- تامىر جانە تىنىس الۋ قىزمەتىنىڭ جەتكىلىكسىزدىگى سەبەپ بولدى»، - دەپ حابارلادى ەلدىڭ باس پروكۋراتۋراسىنان.

سوڭعى جاڭالىقتار