چەحيا پرەمەر-ءمينيسترى پرجەۆالسكي جىلقىسىنىڭ(كەرقۇلان) قۇلىنىنا كىندىك اكە بولدى

پراگا. قازاقپارات - پراگادا چەحيا پرەمەر-ءمينيسترى پەتر فيالا پرجەۆالسكي جىلقىسىنىڭ قۇلىنىن شوقىندىرىپ، ءبىر ايلىق بيەگە بارۋنكا دەپ ات قويدى.
None

فيالا قۇلىننىڭ كىندىك اكەسى عانا ەمەس، بارىنەن بۇرىن ول - پراگا حايۋاناتتار باعى ۇيىمداستىرعان سوڭعى جابايى جىلقىلاردى قازاقستانعا قايتارۋ جوباسىنىڭ قولداۋشىسى، دەپ حابارلايدى قازاقپارات.

«كوپتەگەن جىل بويى چەحيا پرجەۆالسكي جىلقىلارىن قۇتقارۋعا كومەكتەستى. وسى جولدا پراگا حايۋاناتتار باعىنىڭ كومەگى زور بولدى. ديرەكتور بوبەك پراگا حايۋاناتار باعى مەن قازاقستان رەسپۋبليكاسى ەكولوگيا مينيسترلىگىمەن بىرلەسىپ جۇمىس ىستەۋ تۋرالى مەموراندۋمعا قول قويعاندا مەن ءوزىم سول جەردە بولىپ، كۋاگەر اتاندىم. وندا ورتا ازيا اۋماعىندا، ونىڭ ىشىندە قازاقستاندا پرجەۆالسكي جىلقىلارىنىڭ پوپۋلياتسياسىن كەڭەيتۋگە قاتىساتىنىمىز جازىلعان. قازىر مەن ديۆچي گرادەحتە دۇنيەگە كەلگەن العاشقى قۇلىندى شوقىندىرۋ مۇمكىندىگىنە يە بولعانىما قۋانىشتىمىن، سەبەبى ءدال وسى بارۋنكا بولاشاقتا اتا-باباسىنىڭ ولكەسىنە - قازاق دالاسىنا بارادى دەپ ويلايمىن» - دەدى چەحيا پرەمەر-ءمينيسترى پەتر فيالا شوقىندىرۋ كەزىندە.

پراگا حايۋاناتتار باعىنىڭ ديرەكتورى ميروسلاۆ بوبەك شوقىندىرۋعا وراي پراگا حايۋاناتتار باعى پرجەۆالسكي جىلقىلارىن موڭعولياعا قايتارا جەرسىندىرۋ پروتسەسىنە قاتىسىپ جاتقانىن ەسكە سالدى.

حايۋاناتتار باعى وسى قىزمەتىنىڭ ارقاسىندا دۇنيەجۇزىلىك حايۋاناتتار باعى مەن اكۆاريۋمدار قاۋىمداستىعىنىڭ ەڭ ۇلكەن WAZA Conservation Award ماراپاتىنا يە بولدى.


سوڭعى جاڭالىقتار