تۇركىستاندا تۋريستەر ساتىپ الاتىن بۇيىمدار جوق - دارحان ساتىبالدى

بۇگىن وبلىس اكىمى دارحان ساتىبالدى تۇركىستان قالاسىنىڭ تۇرعىندارىمەن كەزدەسىپ، اتقارىلىپ جاتقان جۇمىستار تۋرالى ەسەپ بەردى. جيىنعا قاتىسقان كوپشىلىك قالاداعى وزەكتى ماسەلەلەردى ءسوز ەتىپ، سۇراقتارىن قويىپ، ۇسىنىستارىن ايتتى. قالا تۇرعىنى جاناركۇل مەيىربەكوۆا بيزنەس جوبالارعا ارنالعان قايتارىمسىز گرانتقا بولىنگەن كولەمدى كوبەيتىپ بەرۋدى سۇرادى. بۇل ماسەلەگە جاۋاپ بەرگەن دارحان ساتىبالدى تۋريستەرگە كەرەكتى جوبالاردى كوپتەپ جاساۋ كەرەكتىگىن جەتكىزدى.
رۋحاني ورتالىعىمىز تۇركىستان دەپ وتىرمىز. قازاقستانداعى تۋريستەر ەڭ كوپ كەلەتىن قالا. كوپ تۋريستەر، كوپ ارىپتەستەرىمىز كەلگەن كەزدە «تۋريستەر الاتىن بۇيىمدار جوق» دەپ ايتادى. قولدان توقىلعان كىلەم جوق دەيدى. سىزدەردەن سونداي جوبالار بولسا، باعدارلامادان بولەك، جەرگىلىكتى بيۋدجەتتەن ارنايى قارجى شىعارىپ بەرۋگە دايىنمىن. ءبىراق، جوبادا تۋريستەرگە ارنالعان بۇيىمدار بولۋ كەرەك، - دەدى وبلىس اكىمى.
جالپى، تۇركىستانعا شەت ەلدەردەن جانە ەلىمىزدىڭ اۋماقتارىنان كەلەتىن تۋريستەردىڭ سانى وسكەن. تۇركىستان قالاسىنداعى حالىقارالىق اۋەجايدان بىلتىر ىستامبۋل جانە كۋۆەيت باعىتىنا تىكەلەي رەيستەر اشىلدى. قازان ايىندا ابۋ-دابيگە تىكەلەي رەيس اشىلماق. ماسكەۋ، انتاليا، تبيليسي، سامارقاند قالالارىنا رەيستەر اشۋعا ۇكىمەتكە ۇسىنىس ەنگىزىلدى. ىشكى باعىتتا استانا مەن الماتىعا رەيستەر سانى دا كوبەيتىلىپ وتىر.