جاپونيادا كليمات وزگەرىسىنە بەيىمدەلەتىن قالقىمالى قالا سالىنادى

توكيو. قازاقپارات - جاپوندىق N- Ark ستارتاپى مۇحيتتا Dogen City دەپ اتالاتىن الىپ قالقىمالى قالا قۇرۋ جوسپارىن جاريالادى، دەپ حابارلايدى قازاقپارات Robb Report باسىلىمىنا سىلتەمە جاساپ.
None

قالانى سۋناميدەن قورعاۋ ءۇشىن ساقينا تۇرىندە جوبالاناتىن بولادى جانە ونىڭ ماقساتى - تۇرعىنداردى وزىق مەديتسينالىق قىزمەتتەرمەن، فۋتۋريستىك روبوتتىق حيرۋرگيامەن جانە ازىق- تۇلىك ءوندىرىسى مەن جاڭارتىلاتىن ەنەرگيا ءوندىرۋ ارقىلى ءوزىن- ءوزى تولىق قامتاماسىز ەتۋ.

وندا ءتىپتى عارىش اپپاراتتارىن ۇشىرۋ الاڭداردى دا قاراستىرىلعان.

ستارتاپ جوبا قۇپياسىن اشتى - Dogen City ءۇش قاباتتان تۇرادى، ول «سالالار» دەپ اتالادى، ولاردىڭ ءارقايسىسىنىڭ ءوز ماقساتى بار.

بىرىنشىدەن، بۇل ءومىر سۇرۋگە جارامدى، ءوزىن- ءوزى قامتاماسىز ەتەتىن تەڭىز اۋىلى، وندا تىكەلەي تۇرعىن ءۇي ورنالاسادى.

سودان كەيىن تابيعي تۇردە مۇحيتپەن سالقىنداتىلاتىن سۋ استىنداعى دەرەكتەر ورتالىعى ەنەرگيا شىعىنىن ازايتادى.

سوڭعى قاباتى SpaceX- پەن بايلانىستى بولادى جانە زىمىرانداردىڭ ۇشۋ جانە قونۋ الاڭىنا اينالادى.

ازىق- تۇلىككە كەلەر بولساق، فۋنكتسيونالدى ينگرەديەنتتەر مەن داقىلدار قورەكتىك زاتتاردىڭ كوزى رەتىندە تەڭىز سۋىن پايدالاناتىن يننوۆاتسيالىق ءوسىرۋ تەحنولوگياسىن قولدانا وتىرىپ، جەرگىلىكتى جەردە وسىرىلەتىن بولادى.

جوبا جىلىنا شامامەن 7000 توننا ازىق-تۇلىك جانە 22265000 ك ۆ ت ەلەكتر ەنەرگياسىن وندىرەدى.


سوڭعى جاڭالىقتار