الماتى تۇرعىندارى «ازيا داۋىسى» فەستيۆالىنە اۆتوبۋسپەن تەگىن بارادى

الماتى. قازاقپارات - الماتىدا «ازيا داۋىسى» مۋزىكالىق فەستيۆالدىڭ 28، 29- جانە 30- شىلدەدە وتۋىنە بايلانىستى قالا اكىمدىگى وعان بارۋشىلار ءۇشىن تەگىن جۇرەتىن 55 اۆتوبۋس ۇيىمداستىرادى، دەپ حابارلايدى قازاقپارات ءتىلشىسى.
None

الماتى اكىمدىگى حابارلاعانداي، قۇرمانعازى كوشەسى مەن دوستىق داڭعىلىنىڭ قيىلىسىندا «مەدەۋ» سپورت كەشەنىنە قاراي جۇرەتىن 30 اۆتوبۋس كۇتىپ تۇرادى. تاعى 25 اۆتوبۋس ءىس-شارا قوناقتارىن اباي داڭعىلى مەن ساتبايەۆ كوشەسى اراسىنداعى بايتۇرسىنوۆ كوشەسى بويىندا كۇتەدى. «اۆتوبۋستار كەلۋشىلەردىڭ تولۋىنا وراي كۇندىزگى ساعات 15.00 دەن تۇنگى 00.00 گە دەيىن جۇرەدى. كەرى باعىتتا اۆتوبۋستار فەستيۆال اياقتالعان سوڭ جۇرەتىن بولادى. سونداي-اق قالا تۇرعىندارىنا ىڭعايلى بولۋ جانە قاۋىپسىزدىكتى قامتاماسىز ەتۋ ءۇشىن الماتى مەتروپوليتەنى فەستيۆال كۇندەرى ساعات 01:00 گە دەيىن جۇمىس ىستەيدى. بۇل رەتتە 12№ باعىتتىڭ كولىگى شتاتتىق رەجيمدە جۇمىسىن جالعاستىراتىن بولادى»، - دەپ حابارلادى الماتى اكىمدىگى.

ەسكە سالساق، بۇعان دەيىن فەستيۆالدىڭ باس پروديۋسەرى ارمانجان بايتاسوۆ «مەدەۋ» مۇز ايدىنىندا «ازيا داۋىسى» فەستيۆالى قايتادان وتەتىنى تۋرالى ايتقان بولاتىن.

سوڭعى جاڭالىقتار