الەۋمەتتىك سالاداعى فۋنكتسيالار اۋدان اكىمدىكتەرىنە بەرىلمەك

استانا. قازاقپارات - الەۋمەتتىك سالاداعى فۋنكتسيالاردى اۋدان اكىمدىكتەرىنە بەرۋ ماسەلەسى تالقىلانىپ جاتىر.
None

بۇل تۋرالى ءماجىلىس دەپۋتاتتارىنىڭ ساۋالىنا پرەمەر-مينيستر جاۋابىندا ايتىلعان، دەپ حابارلايدى قازاقپارات ءتىلشىسى.

«مەملەكەت باسشىسىنىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىن ىسكە اسىرۋ ماقساتىندا مەملەكەتتىك ورگانداردىڭ وكىلەتتىكتەرىن ورتالىقسىزداندىرۋ ارقىلى اكىمشىلىك رەفورما بويىنشا جۇمىستار جۇرگىزىلۋدە. اكىمشىلىك رەفورمانىڭ ءبىرىنشى كەزەڭىندە 2023-جىلعى 19- ساۋىردە مەملەكەتتىك باسقارۋ جۇيەسىن ورتالىقسىزداندىرۋ، مەملەكەتتىك اپپارات قىزمەتىندەگى قۇزىرەتتەردى زاڭنامالىق دەڭگەيدە بەلگىلەۋ بولىگىندە بيۋروكراتيادان ارىلتۋ ماسەلەلەرى قامتىلعان «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قازاقستان رەسپۋبليكاسىنداعى اكىمشىلىك رەفورما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭى جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنداعى اكىمشىلىك رەفورما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلداندى. وسىلايشا ورتالىق مەملەكەتتىك ورگانداردان جەرگىلىكتى اتقارۋشى ورگاندارعا جەرگىلىكتى جەردە الەۋمەتتىك سالاداعى قىزمەتتى ۇيىمداستىرۋعا باعىتتالعان 21 فۋنكتسيا بەرىلدى. بۇل رەتتە، وسى وكىلەتتىكتەر ءتيىستى سالالارداعى قىزمەتتى ءتيىمدى ىسكە اسىرۋعا مۇمكىندىك بەردى»، - دەپ اتاپ وتەدى ۇكىمەت باسشىسى جاۋابىندا.

سونىمەن قاتار پرەمەر-مينيستر قازىرگى ۋاقىتتا اكىمشىلىك رەفورمانىڭ ەكىنشى كەزەڭى اياسىندا جەرگىلىكتى اتقارۋشى ورگانداردىڭ وكىلەتتىگىن كەڭەيتۋ بويىنشا كەشەندى جۇمىس جۇرگىزىلىپ جاتقانىن اتاپ وتەدى.

«وسى جۇمىس بارىسىندا الەۋمەتتىك سالاداعى فۋنكسيالاردى اۋدان اكىمدىكتەرىنە بەرۋ جونىندەگى ماسەلەلەر تالقىلانىپ جاتىر. ءوز كەزەگىندە، ءاربىر فۋنكتسيانى بەرۋ ماسەلەسىن قاراستىرعان كەزدە، ونىڭ سالدارىن، ساياسي، ەكونوميكالىق جانە الەۋمەتتىك جاعىنان تيىمدىلىگىن دە جانجاقتى ەگجەي- تەگجەيلى زەردەلەپ، ەسكەرۋ قاجەت. وسى تاسىلدەر ماقۇلدانعان جاعدايدا، زاڭنامالىق تۇزەتۋلەر اكىمشىلىك رەفورمانىڭ ەكىنشى كەزەڭىن ىسكە اسىرۋ جونىندەگى زاڭ شىعارۋ جۇمىسى شەڭبەرىندە كورىنىس تاباتىن بولادى. جالپى، پارلامەنت دەپۋتاتتارىنىڭ قولداۋىمەن بۇل جۇمىس وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ، سونداي-اق اۋداندىق جانە وبلىستىق ماڭىزى بار قالالاردىڭ اكىمدىكتەرىنە مەملەكەتتىك ساياساتتى ءتيىمدى ىسكە اسىرۋعا جانە وزەكتى ماسەلەلەردى شەشۋگە مۇمكىندىك بەرەتىن بولادى دەپ پايىمدايمىز»، - دەدى ءاليحان سمايىلوۆ.

سوڭعى جاڭالىقتار