جەتىسۋ وبلىسىنداعى «سارىوزەك-كوكتال» اۆتوجولىنىڭ جوندەۋ جۇمىسى باياۋ ءجۇرىپ جاتىر

تالدىقورعان. قازاقپارات - «سارىوزەك-كوكتال» باعىتىنداعى اۆتوكولىك جولىنىڭ 45-68 شاقىرىمىندا 2021-جىلدىڭ ماۋسىم ايىنان باستاپ كۇردەلى جوندەۋ جۇمىستارى جۇرگىزىلۋدە.
None

قۇنى 10,2 ميلليارد تەڭگەنى قۇرايتىن جوندەۋ جۇمىستارى جوسپار بويىنشا وسى جىلى اياقتالۋى ءتيىس بولعان. الايدا جۇمىس قارقىنى باياۋ ءجۇرىپ جاتىر، دەپ حابارلايدى قازاقپارات جەتىسۋ وبلىستىق ءماسليحاتىنىڭ باسپا ءسوز قىزمەتىنە سىلتەمە جاساپ.

وسىعان وراي جەتىسۋ وبلىسىنا جۇمىس ساپارىمەن كەلگەن سەنات دەپۋتاتتارى عالياسقار سارىبايەۆ، امانگەلدى تولەمىسوۆ پەن وبلىستىق ءماسليحات دەپۋتاتتارى، قوعامدىق كەڭەس مۇشەلەرى بولىپ مەردىگەر كومپانيالاردىڭ وزىنە جۇكتەلگەن مىندەتتەمەنى نە سەبەپتى كەشەۋىلدەتىپ وتىرعانىن ءبىلۋ ءۇشىن التىنەمەل اسۋىنا ارنايى باردى.

جول قۇرىلىسىن ارالاۋدا «قازاۆتوجول» ۇ ق ا ق باسقارماسىنىڭ الماتى وبلىسى بويىنشا فيليالىنىڭ ديرەكتورى نۇرحات اقىلتايەۆ جۇمىس بارىسىن ءتۇسىندىردى. ءوز كەزەگىندە ول «سارىوزەك-كوكتال» اۆتوجولىنىڭ 45-68 شاقىرىم ۋچاسكەسىنىڭ كۇردەلى جوندەۋى مەن «كوكتال-جاركەنت» جولىنداعى 16 شاقىرىمنىڭ ورتاشا جوندەۋ جۇمىسى بيىل، ال تولىققاندى جوندەۋ جۇمىسى كەلەسى جىلى اياقتالاتىنىن ايتتى.

ونىڭ سوزىنشە، 2024-جىلدىڭ 25- قازانى — رەسپۋبليكا كۇنى قارساڭىندا «سارىوزەك- كوكتال» باعىتىنداعى اۆتوكولىك جولى حالىق قولدانىسىنا تولىعىمەن بەرىلەدى.

سوڭعى جاڭالىقتار