قوستاناي وبلىسىندا جىلان شاققان بالا جانساقتاۋ بولىمىندە جاتىر

قوستاناي. قازاقپارات - وتباسىمەن تابيعات اياسىنا دەمالۋعا شىققان 13 جاستاعى جاس ءوسپىرىمدى جىلان شاعىپ الدى، دەپ حابارلايدى قازاقپارات kstnews.kz سايتىنا سىلتەمە جاساپ.
None

اتا-اناسى قىزدىڭ جاراسىن تاڭىپ، ءدارى بەرگەن. ال 24- شىلدە كۇنى تاڭەرتەڭ بالالار وبلىستىق اۋرۋحاناسىنىڭ جاراقات بولىمىنە جۇگىنگەن.

جىلان بالانىڭ وڭ قولىنىڭ ساۋساعىنان شاققان.

«ول جەردە نەكروز پايدا بولىپ، قولى مەن وڭ جاق كەۋدە تۇسى تولىق ءىسىنىپ كەتكەن. وسىعان بايلانىستى شىنتاعىن بۇگە الماعان»، - دەپ ءتۇسىندىردى وبلىستىق بالالار اۋرۋحاناسىنىڭ باس دارىگەرى نۇرلان ەرجانوۆ.

بالا جانساقتاۋ بولىمىنە جاتقىزىلدى. بىردەن جىلاننىڭ ۋىنا قارسى سارىسۋ، گانگرەناعا قارسى سارىسۋ ەگىلدى، سونداي-اق باكتەرياعا قارسى جانە ۋىتتىلىققا قارسى تەراپيا جۇرگىزىلدى.

«قىزدىڭ جاعدايى اۋىر، تۇراقتى. ىسىك باسىلىپ كەلەدى. قوزعالىس ديناميكاسى تولىق قالپىنا كەلدى. ءبىز وڭ ديناميكا بولادى دەپ ۇمىتتەنەمىز. قىز بالا ءالى جانساقتاۋ بولىمىندە جانە قارقىندى تەراپيا الىپ جاتىر»، - دەدى ن. ەرجانوۆ.

وڭىردە جىلان شاعۋ جاعدايلارى سيرەك كەزدەسەدى، دەپ اتاپ ءوتتى تراۆماتولوگيا پۋنكتىنەن.

سوڭعى جاڭالىقتار