14:22, 28 - شىلدە 2023 | GMT +5
ءسىبىر وزەندەرىنىڭ ءبىرىنىڭ ارناسىن قازاقستانعا بۇرۋ جوباسى جۇزەگە اسا ما
استانا. قازاقپارات - ءسىبىر وزەندەرىنىڭ ءبىرىنىڭ ارناسىن قازاقستانعا بۇرۋ جوباسى جۇزەگە اسىرىلا ما؟ ءماجىلىس دەپۋتاتتارىنىڭ ءدال وسى ساۋالىنا پرەمەر- مينيستر ءاليحان سمايىلوۆ جاۋاپ بەردى، دەپ حابارلايدى قازاقپارات ءتىلشىسى.

«ءسىبىر وزەندەرى اعىنىنىڭ ءبىر بولىگىن قازاقستان مەن ورتا ازياعا بۇرۋ جونىندەگى جوبانى ىسكە اسىرۋ ماسەلەسى 2021 -جىلعى تامىزدا، استانا قالاسىندا وتكەن قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ پەن رەسەي فەدەراتسياسىنىڭ تابيعي رەسۋرستار جانە ەكولوگيا ءمينيسترى ا. كوزلوۆتىڭ كەزدەسۋى بارىسىندا تالقىلادى. رەسەي تاراپى ءتۇرلى، ونىڭ ىشىندە سۋ شارۋاشىلىعى، اۋىل شارۋاشىلىعى، ەكولوگيالىق جانە الەۋمەتتىك- ەكونوميكالىق تەرىس سالدارلارعا بايلانىستى قازاقستان اۋماعىنا سۋى مول وزەندەردىڭ اعىستارىن بۇرۋ ماسەلەسىن قاراستىرۋ ماقساتقا ساي كەلمەيتىندىگى جايلى رەسمي اقپارات بەردى»، - دەپ اتاپ وتەدى ۇكىمەت باسشىسى جاۋابىندا.