13:27, 28 - شىلدە 2023 | GMT +5
قازاقستان ب ۇ ۇ باس اسسامبلەياسىنىڭ ءدىني رامىزدەردى قورلاۋدى ايىپتايتىن قارارىنىڭ تەڭ اۆتورلارىنا قوسىلدى
استانا. قازاقپارات - بىرىككەن ۇلتتار ۇيىمىنىڭ باس اسسامبلەياسى كونفەسسياارالىق ديالوگتى دامىتۋعا جانە وشپەندىلىك تىلمەن كۇرەسۋگە باعىتتالعان قاراردى قابىلدادى، دەپ حاباارلايدى.

قابىلدانعان قاراردا ءدىن نەمەسە نانىم- سەنىمىنە بايلانىستى ادامدارعا قارسى زورلىق- زومبىلىق ارەكەتتەردىڭ بارلىق تۇرلەرى ايىپتالادى. سونىمەن قاتار قۇجاتتا ءدىني رامىزدەرگە، قاسيەتتى كىتاپتارعا، تۇرعىن ۇيلەرگە، جۇمىس ورىندارىنا، مۇلىكتەرگە، مەكتەپتەرگە، مادەنيەت ۇيلەرى مەن عيبادات ورىندارىنا قارسى باعىتتالعان كەز كەلگەن ارەكەتتەردى ايىپتاۋعا نازار اۋدارىلدى.
ب ۇ ۇ قارارىنىڭ ماتىنىنە ءدىني رامىزدەر مەن قاسيەتتى كىتاپتارعا سىلتەمەلەردى ەنگىزۋ تۋرالى شەشىم ەۋروپانىڭ ءبىرقاتار ەلدەرىندە قاسيەتتى قۇران ورتەپ، ونى قورلاۋ وقيعالارىنىڭ تىزبەگى اياسىندا قابىلداندى.
قازاقستان ب ۇ ۇ- عا مۇشە باسقا 47 ەلمەن بىرگە بۇل قاراردىڭ تەڭ اۆتورى بولدى.