قۇندى جادىگەر «التىن ادامنىڭ» ءتۇپنۇسقاسى قايدا ساقتاۋلى تۇر

استانا. قازاقپارات - ۇلتتىق مۋزەيدە كەلۋشىلەردىڭ نازارىنا «التىن ادام» تاريحي جادىگەرىنىڭ ءتۇپنۇسقاسى ۇسىنىلا ما؟ اتالعان ساۋالعا جاۋاپ الۋ ماقساتىندا قازاقپارات ءتىلشىسى ۇلتتىق مۋزەيگە رەسمي ساۋال جولداعان ەدى.
None

«التىن ادام» جادىگەرىنىڭ ءتۇپنۇسقاسى تابىلعانعا دەيىن جەر استىندا بىرنەشە عاسىر جاتقاندىقتان، ساقتالۋ كۇيىنە بايلانىستى جارتىسى مۋزەي زالدارىندا كورمەگە قويىلىپ، جارتىسى مۋزەيدىڭ ارنايى قورىندا ساقتاۋلى. ءتۇپنۇسقانىڭ كورمەگە قويىلعان بولىگىن، ياعني ساق پاتشاسى ساۋىتىنىڭ اڭ ستيلىندە جاسالعان ەلەمەنتتەرىن، اشەكەي بۇيىمدارىن №1 «ۇلى دالانىڭ ەجەلگى ونەرى جانە تەحنولوگيالارى» زالىندا (التىن زال) تاماشالاۋعا بولادى»، - دەلىنگەن ساۋال جاۋابىندا.

مالىمەتتە ايتىلعانداي، «التىن ادام» ءتۇپنۇسقاسىنا رەكونسترۋكتسيا جاسالعان.

«ال زالدىڭ تورىندەگى ءسان- سالتاناتى جاراسقان «التىن ادام» ەكسپوناتى - عىلىمي رەكونسترۋكسيا. ارحەولوگيالىق سەنساتسياعا اينالعان ەكسپوناتتى حالىققا كورسەتۋ ماقساتىندا عىلىمي كەڭەستىڭ شەشىمىمەن ءتۇپنۇسقانىڭ رەكونسترۋكتسياسى جاسالدى. العاشقى نۇسقاسىن كەمەل اقىشيەۆ باستاعان عالىمدار جاساپ، «التىن ادامنىڭ» كيىمىن، اشەكەي بۇيىمدارىن قالپىنا كەلتىرگەن ەدى. قازىرگى تاڭدا ۇلتتىق مۋزەيدە تۇرعان «التىن ادام» رەكونسترۋكتسياسىنىڭ اۆتورى، قالپىنا كەلتىرۋشى، سۋرەتشى قىرىم التىنبەكوۆ»، - دەگەن تۇسىنىكتەمە بەرىلدى.

ۇلتتىق مۋزەي سونداي- اق اتالعان جادىگەردىڭ ۇرلانعانى تۋرالى قاۋەسەتتى جوققا شىعارعان بولاتىن.

سوڭعى جاڭالىقتار