12:01, 28 - شىلدە 2023 | GMT +5
ازامات ساتىبالدى «قازاق فيلم» ا ق پرەزيدەنتى بولىپ تاعايىندالدى
استانا. قازاقپارات - ازامات ساتىبالدى ش. ايمانوۆ اتىنداعى «قازاق فيلم» ا ق- نىڭ پرەزيدەنتى بولىپ تاعايىندالدى، دەپ حابارلايدى قازاقپارات مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
كينوستۋديا ۇجىمىنا جاڭا باسشىنى مادەنيەت جانە سپورت ءمينيسترى اسحات ورالوۆ تانىستىردى.
مينيستر «قازاق فيلم» كينوستۋدياسىنىڭ جۇمىسىن ۇيلەستىرۋ ابىرويلى ءارى جاۋاپتى مىندەت ەكەنىن اتاپ ءوتتى.
«وتاندىق كينوونەرىنىڭ «قارا شاڭىراعى» سانالاتىن قازاقفيلم - اۋقىمدى جانە كۇردەلى وندىرىستىك ۇيىم. بىلتىر كينوستۋديا جانىنان «قازاق انيماتسيا» شىعارماشىلىق بىرلەستىگى قۇرىلدى. مەملەكەت باسشىسىنىڭ كينوستۋديا جۇمىسىن جاڭعىرتۋ جونىندەگى تاپسىرماسىن جۇزەگە اسىرۋ اياسىندا 87 تەحنيكالىق جابدىق ساتىپ الىندى. الداعى ۋاقىتتا، مودەرنيزاتسيانىڭ 2 كەزەڭىن باستاۋ كەرەك»، - دەدى اسحات ورالوۆ.
