گ م و كوز تامشىسىنىڭ ارقاسىندا سوقىر بالانىڭ كوزى اشىلدى
14 جاسار انتونيو ۆەنتو كارۆاحال ءومىرىنىڭ كوپ بولىگىندە سيرەك كەزدەسەتىن گەنەتيكالىق اۋرۋ - ديستروفيالىق بۋللەزدى ەپيدەرموليزگە بايلانىستى سوقىر بولعان.
وسى اۋرۋدان ونىڭ دەنەسى مەن كوزدەرى كۇلبىرەپ كەتكەن.
ءبىراق ول مايامي ۋنيۆەرسيتەتى باسكوم پالمەر كوز ينستيتۋتىنىڭ دارىگەرى الفونسو ساباتەر جۇرگىزگەن الەمدەگى العاشقى جەرگىلىكتى گەندىك تەراپيانىڭ كلينيكالىق سىناقتارىنا قوسىلعان كەزدە عاجايىپ بولعان.
انتونيونىڭ وتباسى ا ق ش-قا كۋبادان 2012 -جىلى ارنايى ۆيزامەن كەلگەن. سونىڭ ارقاسىندا انتونيو الەم بويىنشا تەك 3000 ادام اۋىراتىن اۋرۋدان ەم قابىلداعان. ونىڭ كوزىنىڭ تىرتىق ۇلپاسىن الۋ بويىنشا وتا جاساعان، ءبىراق ول قايتا شىققان. انتونيونىڭ كوز جانارى ناشارلاپ، سوڭىندا ءتىپتى ءوزى جۇرە المايتىن جاعدايعا جەتكەن.
دارىگەر ساباتەر سول كەزدە بالاعا شەشىمىن تابۋعا ۋادە بەرىپ، سول ۋادەسىن ورىندادى. ونىڭ كومانداسى قاراپايىم گەرپەستىڭ يناكتيۆتى ۆيرۋسى نەگىزىندە ارنايى كوز تامشىسىن جاساپ شىعارعان. ول انتونيونىڭ تەرىسىندەگى كۇلبىرەۋدى ەمدەۋگە پايدالاناتىن ەكسپەريمەنتالدى گەلدىڭ رەتسەپتۋراسىن وزگەرتكەن.
ءدارىنى تىشقاندارعا سىناعاننان كەيىن ەكى جىلدان سوڭ، ساباتەر كومانداسى ادامدارعا كوز تامشىلارىن قولدانۋعا رۇقسات الدى. وتكەن جىلى تامىزدا انتونيونىڭ وڭ كوزىنە وپەراتسيا جاساپ، سودان كەيىن دارىگەر ساباتەر ونى كوز تامشىلارىمەن ەمدەي باستاعان.
انتونيونىڭ كوزى وپەراتسيادان كەيىن قالپىنا كەلگەن، تىرتىق ۇلپاسى قالپىنا كەلمەگەن جانە اي سايىن ايتارلىقتاي جاقسارعان، دەيدى دوكتور. جاقىندا دارىگەرلەر انتونيونىڭ وڭ كوزىنىڭ كورۋ قابىلەتىن ولشەگەن جانە ول وتە جاقسى دەڭگەيگە جەتكەن.
بيىل دارىگەر ساباتەر انتونيونىڭ سول كوزىن ەمدەپ باستاعان. ونىڭ ايتۋىنشا، بالانىڭ سول كوزى دە جاقسارىپ كەلەدى.
انتونيو وفتالمولوگيالىق ينستيتۋتتا اپتا سايىن تەكسەرۋدەن وتەدى جانە ايىنا ءبىر رەت تامشى تامىزادى. ينستيتۋتقا كەلگەندە انتونيو قولىن، اياعىن جانە تابانىن جاباتىن قورعانىس كيىمىن كيۋى كەرەك. وسى اۋرۋعا شالدىققان باسقا بالالار سياقتى ونىڭ دەنەسىنە ۇستاپ قالعاندا جارالانۋى مۇمكىن.
انتونيو كوز تامشىلارىن جاساعان گەلدى الىگە دەيىن دەنەسىنە جاعادى.
دارىگەر ساباتەر ءوزى جاساعان كوز تامشىلارى ا ق ش-تا 18 ميلليون ادام شالدىققان فۋكس ديستروفياسى سياقتى باسقا اۋرۋلاردى ەمدەۋ ءۇشىن پايدالانىلۋى مۇمكىن دەپ سانايدى.
قازىر انتونيو باسقا دا جاسوسپىرىمدەر سياقتى ءجۇر: دوستارىمەن ۆيدەوويىندار وينايدى.
