استانادا وقۋشى قىز مەكتەپتە بالاعات سوزدەر ايتقان: سوت ۇكىمى شىقتى

استانا. قازاقپارات - ەلوردادا وقۋشى قىز مەكتەپ عيماراتىندا وزگە قىزعا بالاعات سوزدەر ايتقان.
None

ءىس سوتتا قارالىپ، بۇزاقىنىڭ زاڭدى وكىلىنە ۇكىم شىقتى، دەپ حابارلايدى قازاقپارات قالالىق سوت سايتىنا سىلتەمە جاساپ.

استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا بۇزاقىلىق جاساعان وقۋشى قىزعا قاتىستى ءىس قارالعان. انىقتالعانداي، مەكتەپ عيماراتىندا كامەلەتكە تولماعان ز. كامەلەتكە تولماعان ك. -عا بىلاپىت سوزدەر ايتقان.

«ول ۇساق بۇزاقىلىق جاساپ، قوعامدىق ءتارتىپتى بۇزعان.

سوتتا ونىڭ زاڭدى وكىلى كىنانى تولىق مويىندادى.

كامەلەتكە تولماعان ز. -نىڭ كىناسى كامەلەتكە تولماعانداردىڭ، ولاردىڭ اتا- انالارىنىڭ حاتتاي تۇسىنىكتەمەلەرىمەن، پوليتسيا باسقارماسى ۇسىنعان قۇجاتتارمەن، اكىمشىلىك قۇقىق بۇزۋشىلىق تۋرالى حاتتامامەن، ز. -عا قاتىستى شارا قولدانۋ تۋرالى پوليتسيا باسقارماسىنا گ. -نىڭ بەرگەن ارىزىمەن دالەلدەندى.

قىلمىستىق كودەكستىڭ 293-بابىنىڭ 1-بولىگىندە كورسەتىلگەندەي، 14-16 جاستاعى كامەلەتكە تولماعان جاس ءوسپىرىم جاساعان ۇساق بۇزاقىلىق نەمەسە بۇزاقىلىق اكىمشىلىك قۇقىقبۇزۋشىلىق تۋرالى كودەكستىڭ 435-بابىنا سايكەس، ونىڭ اتا-اناسىنا نەمەسە ولاردىڭ ورنىندا جۇرگەن تۇلعالارعا 7 ايلىق ەسەپتىك كورسەتكىش كولەمىندە (24150 تەڭگە) ايىپپۇل سالۋدى كوزدەيدى»، - دەلىنگەن سوت حابارلاماسىندا.

ءمالىم ەتىلگەندەي، سوت جازانى جەڭىلدەتەتىن ءمان-جاي رەتىندە كىنانى تولىق مويىنداۋدى جانە وكىنۋدى نازارعا العان. ال جازانى اۋىرلاتاتىن ءمان-جاي انىقتالماعان.

سوت ۇكىمىمەن كامەلەتكە تولماعان ز. -نىڭ زاڭدى وكىلى ك. اكىمشىلىك قۇقىقبۇزۋشىلىق تۋرالى كودەكستىڭ 435-بابى بويىنشا كىنالى دەپ تانىلىپ، وعان 16905 تەڭگە كولەمىندە ايىپپۇل سالىندى.

ۇكىم زاڭدى كۇشىنە ەندى.

سوڭعى جاڭالىقتار