قازاقستاندا شاشتاراز بەن سۇلۋلىق سالونىنىڭ قىزمەتتەرى قىمباتتادى

2022 -جىلى كوسمەتولوگتار مەن سۇلۋلىق سالوندارى كورسەتكەن قىزمەتتەر كولەمىنىڭ جالپى سوماسى 89,9 ميلليارد تەڭگەنى قۇرادى.
ماسەلەن، وتكەن جىلى ايەلدەرگە كورسەتىلگەن شاشتاراز قىزمەتىنىڭ كولەمى 28,5 ميلليارد تەڭگەنى قۇرادى، بۇل 2021 -جىلمەن سالىستىرعاندا 4,1 ەسە كوپ.
ال ەرلەر شاشتارازدارىنىڭ كورسەتكەن قىزمەتتەرىنىڭ جالپى سوماسى - 10,6 ميلليارد تەڭگە. بۇل 2021 -جىلمەن سالىستىرعاندا 4,2 ميلليارد تەڭگەگە ارتىق.
مانيكيۋر مەن پەديكيۋردى قوسا العاندا كورسەتىلگەن كوسمەتيكالىق قىزمەت كولەمى وتكەن جىلى 22,2 ميلليارد تەڭگەنى قۇراسا، 2021 -جىلى بۇل كورسەتكىش 10,4 ميلليارد تەڭگە بولعان.
سۇلۋلىق سالوندارىنداعى وزگە دە قىزمەتتەر كولەمى - 28,4 ميلليارد تەڭگە (2021 -جىلى - 11,2 ميلليارد تەڭگە).
ايتا كەتەيىك، 2023 -جىلدىڭ ماۋسىمىندا شاشتاراز بەن سۇلۋلىق سالوندارىنداعى قىزمەت باعاسى وتكەن جىلدىڭ ماۋسىمىمەن سالىستىرعاندا %15,1 ءوستى.