قىتاي مايمىل شەشەگىنىڭ الدىن الۋ جانە باقىلاۋ بويىنشا جوسپار جاسادى

بۇل تۋرالى بەيسەنبىدە ق ح ر اۋرۋلاردىڭ الدىن الۋ جانە باقىلاۋ مەملەكەتتىك باسقارماسىنان ءمالىم ەتتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
جوعارىدا اتالعان باسقارما مەن ق ح ر دەنساۋلىق ساقتاۋ مەملەكەتتىك كوميتەتى بىرلەسىپ شىعارعان قۇجات قىتايدا مايمىل شەشەگىنىڭ تارالۋ جاعدايلارىنا ۋاقىتىلى جانە ءتيىمدى دەن قويۋدى قامتاماسىز ەتۋگە باعىتتالعان.
جوسپاردا اۋرۋدى دياگنوستيكالاۋ، ەپيدەميالىق باقىلاۋ جانە ەسەپ بەرۋ، سونداي-اق ەپيدەمياعا قارسى ارەكەت ەتۋ سياقتى اسپەكتىلەرگە قاتىستى مايمىل شەشەگىنىڭ الدىن الۋ جانە باقىلاۋ ەرەجەلەرى كورسەتىلگەن.
ول سونداي-اق ەپيدەمياعا جاۋاپ رەتىندە بۇكىل ەلدەگى دەنساۋلىق ساقتاۋ ورگاندارى مەن باسقا دا ءتيىستى ۆەدومستۆولار اراسىندا ءتيىمدى ىنتىماقتاستىق پەن اقپارات الماسۋعا شاقىرادى.
2022 -جىلدىڭ قىركۇيەگىندە قىتايدا مايمىل شەشەگىنىڭ العاشقى ينفەكسياسى تابىلدى.
وسى جىلدىڭ ماۋسىم ايىنان باستاپ ەلدىڭ بىرنەشە پروۆينسياسىندا كوپتەگەن جاعداي تىركەلدى، بۇل جاڭا جەرگىلىكتى ىندەتتەر مەن ينفەكتسيانىڭ جاسىرىن بەرىلۋ قاۋپىن تۋدىرادى.