قاتتى پايدالى قازبالاردى وندىرۋگە ليسەنزيا الۋدىڭ جاڭا فورماتى ەنگىزىلەدى

استانا. قازاقپارات - قاتتى پايدالى قازبالاردى وندىرۋگە ليتسەنزيا الۋدىڭ جاڭا فورماتى ەنگىزىلەدى. ەنگىزىلگەن وزگەرىستەرگە سايكەس جەر قويناۋىن پايدالانۋشىلاردىڭ ءبىرىڭعاي پلاتفورماسى «Minerals.gov.kz» ارقىلى قاتتى پايدالى قازبالاردى وندىرۋگە ليسەنزياعا ءوتىنىم بەرۋ، ونى قاراۋ جانە ليتسەنزيانى الۋ پروتسەسى اۆتوماتتاندىرىلدى، دەپ حابارلايدى ق ر ي ي د م باسپا ءسوز قىزمەتى.
None

وسىلايشا، ق ر يندۋستريا جانە ينفراقۇرىلىمدىق دامۋ ءمينيسترىنىڭ 2023 -جىلعى 14- شىلدەدەگى № 517 بۇيرىعىمەن قاتتى پايدالى قازبالاردى وندىرۋگە ليتسەنزيالار بەرۋگە وتىنىشتەردى بەرۋ جانە قاراۋ قاعيدالارىنا وزگەرىستەر ەنگىزىلدى.

مينيسترلىك وكىلدەرىنىڭ ايتۋىنشا، بۇل پروتسەسس ادامي فاكتوردى تولىعىمەن جوققا شىعارادى. الەۋەتتى جەر قويناۋىن پايدالانۋشىلار (ينۆەستورلار) سۇراۋ سالىنعان ۋچاسكە تۋرالى ينفراقۇرىلىمنان باستاپ گەولوگيالىق جانە گەوفيزيكالىق ەسەپتەرگە دەيىنگى تولىق اقپاراتىن الۋىنا مۇمكىندىگى بولادى.

ايتا كەتەيىك، «Minerals.gov.kz» - مۇددەلى مەملەكەتتىك ورگاندار مەن ۆەدومستۆولاردىڭ فۋنكتسيالارىن اۆتوماتتاندىرۋعا مۇمكىندىك بەرەتىن، سونداي- اق بارلاۋ جانە ءوندىرۋ جۇمىستارىن جۇزەگە اسىرۋ ءۇشىن ليتسەنزيالار الۋ بويىنشا بيزنەس- پروتسەستەردى جەڭىلدەتۋ جانە جەدەلدەتۋگە باعىتتالعان سيفرلىق پلاتفورما بولىپ تابىلادى.

سوڭعى جاڭالىقتار